Lajme

Kontributi i diasporës në ndërtimin e shkollave në Shqipëri

Në Hotolisht të Librazhdit ka përfunduar ndërtimi i shkollës së re 9-vjeçare “Ibrahim Alliu”.

E martë, 2 Nëntor 2021 - 21:30 albinfo.ch

Lajmin e bëri të ditur sot kryetari i grupit parlamentar të Partisë Socialiste, Taulant Balla, i cili informoi se shkolla e re u ndërtua falë kontributit financiar të diasporës shqiptare, nëpërmjet UBISH në Gjermani.

Sipas Ballës, falë ndërtimit të shkollës së re, ky dimër i gjen fëmijët e Hotolishtit në një shkollë me standarde.

“Edhe një shkollë tjetër e re në Librazhd, Shkolla 9-vjeçare “Ibrahim Alliu” u ndërtua tërësisht e re, falë kontributit financiar të diasporës shqiptare, nëpërmjet UBISH në Gjermani. Ky dimër i gjen fëmijët e kësaj shkolle në një shkollë me standarde të plota”, tha Balla.