Lajme
Lule Elezi promovon albumin dhe mban koncert në Vjenë
Mësohet se shoqata ndërkombëtare “Chopin” ka organizuar në Vjenë koncertin e pianistes Lule Elezi, përcjell albinfo.at.
Thuhet se në ngjarjen vjeneze, që zë vend më 15 nëntor, kjo pianiste kosovare do të luajë vepra nga kompozitorët e njohur Frederik Shopen, Ludvig Van Betoven dhe Rauf Dhomi. Me këtë rast, pianistja Elezi promovon CD albumin pianistik.
Pritet që kryeqyteti i muzikës klasike do të kumbojë nga interpretimi magjik i pianistes kosovare, Lule Elezi.
Theksohet se në Vjenë të Austrisë, në mbrëmjen e së hënës së 15 nëntorit, pianistja Elezi do të interpretojë vepra nga të famshmit e muzikës, Frederik Shopen e Ludvig Van Betoven, si dhe të kompozitorit kosovar, Rauf Dhomi.
Në këtë ngjarje që organizohet nga shoqata ndërkombëtare “Chopin” e Vjenës dhe me mbështetje të Ambasadës së Republikës së Kosovës në Austri, pianistja Lule Elezi do të promovojë CD albumin pianistik me veprat e gjenive Shopen e Betoven. Albumi i Lule Elezit që është incizuar gjatë pandemisë, në “Mozart House” në Vjenë, do të prezantohet pas koncertit, në koktelin e organizuar nga ambasadori kosovar.
Vlen të theksohet se Lule Elezi është nga pianistet elitare shqiptare në përgjithësi. U zhvillua në nivel artistik në Universitetin e Prishtinës, Akademinë e Arteve të Bukura në Tiranë dhe në Akademinë e Muzikës në Sarajevë. Është dalluar për lojën e saj të fuqishme dhe aq delikate nga shtëpi diskografike evropiane, u shqua virtuoze në interpretim, vlerësuar veçanërisht për interpretimin e përzemërt të krijimtarisë së Shopenit.
Pianistja Lule Elezi ka koncertuar në skena vendore e ndërkombëtare, përfshirë në Suedi, Gjermani, Kinë, SHBA, Rusi, Japoni, Luksemburg, Francë, Bullgari, Itali, e të tjera. Lule Elezi jeton mes Kosovës e Gjermanisë dhe ushtron veprimtarinë si Profesor i rregullt në lëndën piano, në Fakultetin e Arteve të Universitetit të Prishtinës.
Të ngjashme
Të tjera nga Lajme
E-Diaspora
-
Dënohet kosovari: Ka sjellë ilaçe ilegale për ndërprerjen e shtatzënisë së gruas së tij U ishte thënë se do të duhej të paguanin 800 franga për të realizuar një termin,...
-
Iu keqësua gjendja shëndetësore gjatë fluturimit Zvicër – Kosovë, vdes gruaja kosovare
-
Shqiptari plagos rëndë shqiptarin në Belgjikë
-
Duesseldorf
Welt: Shqiptari dyshohet se vrau pronarin e lokalit në Gjermani shkaku i borxheve të bixhozit
-
Mes një mijë konkurrentëve, shqiptarja fiton çmimin e tretë në finale e madhe të “Sanremo Junior”
Jeta në Zvicër
-
Zvicër: Së shpejti pritet ulje e çmimit të faturave të energjisë elektrike Dimri ishte i lagësht dhe i butë. Përveç kësaj, termocentralet bërthamore zvicerane furnizonin mjaftueshëm energji elektrike....
-
10 muaj burgim me kusht për kosovarin, shantazhoi burrat
-
Inteligjenca artificiale ndihmon në vlerësimin e rrezikut të ortekëve në Zvicër
-
Zviceranët, gjithnjë e më të pasur
-
Më shumë hapësira parkimi elektrik në Gjenevë