Lajme
Cyrih: Regjistrohet rasti i parë me variantin Omikron
Ky është rasti i parë në kantonin e Cyrihut dhe rasti i katërt në Zvicër me variantin e klasifikuar si “shqetësues” nga Organizata Botërore e Shëndetësisë
Në kantonin e Cyrihut ka ndodhur për herë të parë një infeksion me variantin Omikron të koronavirusit. Personi në fjalë është në izolim, ndërsa katër kontakte janë në karantinë, ka njoftuar të enjten departamenti i shëndetësisë, i Kantonit të Cyrihut, transmeton albinfo.ch.
Personi në fjalë ka hyrë në Zvicër nga Afrika e Jugut më 23 nëntor. Simptomat i janë shfaqur dy ditë më vonë ndërsa një ditë më vonë, personi u testua. Është dashur rreth një javë që mostra e testit të analizohej për Omikron.
Kështu, infeksioni me variantin Omikron u konfirmua të enjten.
Dikasteri i shëndetësisë shkruan se nuk mund të bëhen deklarata të tjera për rastin konkret përtej informacionit të përmendur, raporton sda.ch. Në përgjithësi, të gjithë njerëzit që janë në karantinë duhet të bëjnë një test midis katër dhe shtatë ditëve të periudhës së tyre të karantinës.
Aktualisht janë duke u zbardhur edhe dy raste të tjera, përcjell albinfo.ch. Deri më tani ka pasur tre raste të dyshuara në të cilat ka rezultuar se nuk ishte varianti Omrikon.
Katër raste në Zvicër
Ky është rasti i parë në kantonin e Cyrihut dhe rasti i katërt në Zvicër me variantin e klasifikuar si “shqetësues” nga Organizata Botërore e Shëndetësisë.
Deri në mesditën e të enjtes, në këtë vend ishin të njohura tre raste me variantin Omikron, nga një nga kantonet Basel-Stadt, Basel-Land dhe Gjenevë.
E-Diaspora
-
Gjuha shqipe forcon integrimin Në kontekstin e diasporës shqiptare në Zvicër dhe më gjerë, gjuha shqipe ka një rëndësi në...
-
Flisni shqip në Zvicër!
-
RTS: “Toka Brenda Meje” e Fisnik Maxville-it trajton traumën e Kosovës
-
Robin Krasniqi fiton me pikë ndaj portugezit Jorge Silva
-
Sot shfaqet në Cyrih filmi “The Land within”, i regjisorit Fisnik Maxville
Jeta në Zvicër
-
Kantonet zvicerane me plane për të punësuar më shumë mësues të huaj Shumë pak mësues po trajnohen në Zvicër, me një mungesë të rëndësishme që pritet deri në...
-
Bernë: Merret vendimi për gruan e cila vrau kryetarin e bashkisë së Lauterbrunnen pasi e goditi 58 herë me thikë
-
Pse Zvicra subvencionon tarifat vetëm për disa studentë të huaj?
-
Prodhuesi zviceran i thikave të ushtrisë në përpjekje për të përmbushur kufizimet globale të tehut
-
Ndërprehet linja e trenit midis Brig në Valais dhe Italisë