Lajm i mirë për ata që duan të udhëtojnë nga Zvicra jashtë vendit me tren

Rritja e numrit të trenave ndërkombëtarë është “thelbësore”, thonë deputetët në Zvicër

Lajm i mirë për ata që duan të udhëtojnë nga Zvicra jashtë vendit me tren: Deputetët zviceranë mbështesin një mocion të një deputeti të Partisë së Gjelbër për të rritur numrin e lidhjeve hekurudhore ndërkombëtare, transmeton albinfo.ch.

“Ndërsa trafiku hekurudhor kombëtar i pasagjerëve dhe infrastruktura hekurudhore është siguruar deri në vitin 2035, qeveria nuk ka vendosur asnjë objektiv afatmesëm dhe afatgjatë për trafikun ndërkombëtar”, theksoi deputetja Aline Trede.

Mocioni kërkon lidhje më të mira me qytetet përreth evropiane, si dhe trenat e natës dhe lidhjet hekurudhore brenda qyteteve kufitare.

Ministrja e Transportit, Simonetta Sommaruga, është në favor të mocionit.

“Ka kuptim të zhvillohet më tej transporti i pasagjerëve për lidhjet ndërkombëtare”, tha ajo.

“Së shpejti do të kemi mundësinë ta zbatojmë këtë mocion sipas ligjit CO₂, i cili synon të arrijë objektivat e Marrëveshjes së Parisit për Klimën, duke përgjysmuar emetimet e CO2 të Zvicrës deri në vitin 2030 në krahasim me vitin 1990”, u shpreh Sommaruga.

---