Tematike
Kreu i bankës Credit Suisse shkel rregullat e karantinës, pastaj e padit veten!
Avokatët e tij shkruajnë, si vijon: "Z. Antonio Horta-Osório ka paraqitur një raport vullnetar (vetëpaditje) për shkak të një shkeljeje të mundshme..."
Presidenti i bankës së dytë më të madhe të Zvicrës, Credit Suisse, António Horta-Osório, ka shpërfillur detyrimin dhjetëditor të karantinës, pasi është kthyer nga Britania e Madhe më 28 nëntor.
Banka në fjalë ka konfirmuar shkeljen për agjencinë e lajmeve AWP, pasi “Blick” ka raportuar për të.
Sipas artikullit, pas mbërritjes së tij në Cyrih, Horta-Osório (me shtetësi portugeze) pyeti nëse do të lirohej nga karantina dhjetëditore apo nëse të paktën mund të shkurtohej qëndrimi në karantinë, transmeton albinfo.ch. Por, sikur kantoni, ashtu edhe Qeveria federale thanë qartë se nuk kishte mundësi.
Por presidenti i CS nuk i është përmbajtur sugjerimit që i është bërë. Në vend të kësaj, ai ka dalë nga shtëpia e tij të mërkurën e kaluar dhe ka hipur në një avion privat për në Gadishullin Iberik. Ndërkohë ai ka fluturuar dhe ndodhet në Nju Jork, ku banka do të mbajë një mbledhje të bordit të drejtorëve të enjten.
Pas zbulimit të rastit, Horta-Osório ka kërkuar falje dhe ka premtuar se diçka e tillë nuk do të përsëritet më.
Por, sa e besueshme është kjo deklaratë? Pse udhëtimi në një vend të tretë për dikë duhet të jetë më pak problem sesa të shkosh në zyrë?
Sidoqoftë, shefi i bankës së madhe është kujdesur që në fund të lë një përshtypje të mirë. Siç njofton blick.ch, avokatët e tij i kanë shkruar redaksisë, si vijon: “Z. Antonio Horta-Osório ka paraqitur një raport vullnetar (vetëpaditje) për shkak të një shkeljeje të mundshme sipas nenit 83 të Ligjit të epidemisë”, përcjell albinfo.ch. Neni përfshin “shkeljen e rregullave për hyrjen ose daljen” ose “shmangien e karantinës apo izolimit të urdhëruar”. Kushdo që e shkel atë nga pakujdesia, mund të gjobitet deri në 5000 CHF.
Të ngjashme
Të tjera nga Tematike
E-Diaspora
-
Sot shfaqet në Cyrih filmi “The Land within”, i regjisorit Fisnik Maxville Filmi shfaqet në kuadrin e festivalit të filmit "Kino Kosova" që po mbahet në kinemanë RiffRaff...
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
-
Kalabri - Itali
Gennaro Gattuso flet për rrënjët e tij në Kalabri
-
Gjermani
Iu dha lamtumira e fundit dje mërgimtarit nga Gjermania që humbi jetën në vendin e punës
-
Paris
Paris: Sukses i madh i filmit “Tashko & Koço”
Jeta në Zvicër
-
Nëntë kilometra bllokim trafiku përpara tunelit Gotthard Të shtunën ka pasur sërish bllokim trafiku para portaleve të tunelit Gotthard. Udhëtarët duhej të prisnin...
-
A është e ligjshme djegia e flamurit të Zvicrës?
-
Pesë lajme të mëdha nga Zvicra, për të cilat duhet të dini këtë javë
-
Bazel: Politikanët po bëjnë thirrje për mbajtjen e fëmijëve larg celularëve
-
Transmetuesit publikë zviceranë tërhiqen nga X/Twitter