Kurti fton sërish diasporën: Si asnjëherë më parë na duhet ndihma

Kryeministri i Kosovës, Albin Kurti ka ftuar sërish diasporën për të kontribuar në Fondin për Siguri të Kosovës.

Përmes një statusi në Facebook, Kurti ka theksuar se Fondi i sigurisë synon një nga përbërësit më të fuqishëm të themeleve të së ardhmes, njofton Albinfo.ch.

“Kontributi dhe sakrifica kryhet në të tashmen për të vendosur sigurinë në të ardhmen. Buxheti prej 100 milionë euro që kemi ndarë për Ministrinë tonë të Mbrojtjes është më i madhi ndonjëherë. Por tani si asnjëherë më parë duhet të jetë edhe më i madh, sepse investimi në siguri, është investimi më i sigurt. I ftoj të gjithë qytetarët e Republikës sonë, së bashku me bashkatdhetarët tanë në diasporë, që të ndajnë thirrjen dhe të kontribuojnë në ngritjen e sigurisë shtetërore”, ka shkruar ai.

---