Johnson: Pushtimi rus i Ukrainës do të dështojë

(KEYSTONE/DPA/Kay Nietfeld)

Pushtimi i pabesë rus ndaj Ukrainës është i destinuar të dështojë, edhe pse ditë të vështira na presin, deklaroi kryeministri britanik, Boris Johnson, në Dhomën e Komuneve, transmetojnë mediat ndërkombëtare, përcjell Albinfo.ch.

Johnson iu përgjigj edhe akuzave të ngritura nga opozita mbi menaxhimin e krizës së pashmangshme energjetike shkaktuar nga sanksionet kundër Moskës dhe ngadalësimin e deritanishëm në pritjen e refugjatëve ukrainas.
Kryeministri duke iu referuar videos së presidentit ukrainas, Volodymir Zelensky, përsëriti se ”Vladimir Putin do të dështojë” dhe se ”ne do të kemi sukses në rikrijimin e një Ukrainë sovrane dhe të pavarur”.