Lajme
Disa shtete të BE-së kritikohen se hoqën në formë ‘brutale’ masat anti-Covid
Shtetet që veçanërisht po shohin rritje të rasteve janë Mbretëria e Bashkuar, Irlanda, Greqia, Qipro, Franca, Italia dhe Gjermania
Dhjetëra shtete evropiane, përfshirë Gjermaninë, Francën, Italinë dhe Britaninë, kanë hequr kufizimet për COVID-19 në mënyrë “shumë brutale” dhe tani po përjetojnë një rritje të rasteve, me gjasë për shkak të variantit më të transmetueshëm BA2, tha të martën Organizata Botërore e Shëndetësisë.
Drejtori për Evropë i OBSH-së, Hans Kluge, tha në një konferencë për media në Moldavi, se ishte “optimist, por vigjilent” për zhvillimin e pandemisë në Evropë.
Sipas tij, rastet me sëmundjen COVID-19 janë rritur në 18 nga 53 shtetet në rajonin evropian.
“Shtetet që veçanërisht po shohin rritje të rasteve janë Mbretëria e Bashkuar, Irlanda, Greqia, Qipro, Franca, Italia dhe Gjermania”, tha ai.
Kluge tha se shkaktuari kryesor për rritjen e rasteve me gjasë është varianti BA2, që sipas ekspertëve është rreth 30 për qind më ngjitës, por jo më i rrezikshëm sesa varianti paraprak BA1, transmeton Rel.
Por, “këto shtete po heqin kufizimet brutalisht, duke shkuar nga shumë masa në pak”, tha ai.
Sipas të dhënave të OBSH-së, numri i rasteve të reja me koronavirus ka rënë në Evropë, pas pikut të arritur në fund të janarit, por është shënuar një rritje e rasteve në fillim të marsit.
Gjatë javës së fundit janë regjistruar mbi 5.1 milionë raste dhe 12,496 vdekje në rajonin evropian, tha OBSH-ja. Në total, që prej fillimit të pandemisë janë regjistruar pothuajse 194.4 milionë raste dhe mbi 1.92 milionë vdekje.
Të tjera nga Lajme
E-Diaspora
-
Paraqitet si kroat, me pasaportë false – burgoset muratori nga Kosova Prokuroria publike e Schwyz-it dënoi kosovarin për hyrje të paligjshme, qëndrim të paautorizuar dhe punë pa...
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim
-
Kryediplomati shqiptar, Igli Hasani, takon homologun e tij nga Zvicra, Ignazio Cassis
-
Bizneset nga diaspora vizitojnë “Shtëpinë e Kosovës”
-
Shqiptari diplomon në Columbia University në Nju Jork
Jeta në Zvicër
-
Paraqitet si kroat, me pasaportë false – burgoset muratori nga Kosova Prokuroria publike e Schwyz-it dënoi kosovarin për hyrje të paligjshme, qëndrim të paautorizuar dhe punë pa...
-
Si u bë Zvicra vendi nga ku rrjedh qumështi dhe çokollata
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim
-
300 zviceranë të bllokuar në Kaledoninë e Re pas shpërthimit të trazirave
-
Shtim i rasteve të sulmeve ndaj infermierëve në Zvicër