Feja
Komuniteti Musliman Shqiptar në Zvicër uron besimtarët për fillimin e Ramazanit
"Komuniteti Musliman Shqiptar në Zvicër njofton besimtarët muslimanë se të shtunën, më 02 prill 2022, do të kemi ditën e parë të muajit të Ramazanit të vitit 2022 / 1443"
Në një letër drejtuar besimtarëve, krxetari i Komunitetit Musliman Shqiptar në Zvicër, Mehas Alija uron ata për fillimin e Muajit të Ramazanit, agjërimit. Në vazhdim, teksti i urimit.
Të nderuar vëllezër e motra!
Komuniteti Musliman Shqiptar në Zvicër njofton besimtarët muslimanë se të shtunën, më 02 prill 2022, do të kemi ditën e parë të muajit të Ramazanit të vitit 2022 / 1443. Ky është ramazani i 1441-të që kur Zoti i Lartë ia zbriti Muhammedit a.s. ajetin e Kur’anit: „O ju që keni besuar, ju është bërë obligim agjërimi, sikur që u qe obligim edhe popujve përpara jush, ashtu që ju të bëheni të devotshëm.“ (Bekare, 183).
Besimtarë të nderuar!
Ramazani është një shans i mirë për të menduar dhe reflektuar, pasi që këtë e ka vetëm njeriu si mundësi dhe kjo është ajo që e dallon atë nga gjallesat e tjera. Pra, njeriu, ka mundësi të jetë njerëzor ose jo; të jetë mëkëmbës i Zotit në tokë dhe përfaqësues i vlerave të mirëfillta humane ose të shndërrohet në dhunues dhe shtypës. Ramazani na fton për te e para, te njerëzorja dhe te ajo që është humane.
Në faqen kur’anore ku flitet për agjërimin, Zoti na thëret: “Le t’i përgjigjen ata thirrjes Sime dhe le të më besojnë Mua, për të qenë në rrugë të drejtë.” (Bekare, 186), ndërsa, ata që do t’i përgjigjen ftesës së Zotit, i pret një e mirë shumë e madhe. Në Kur’anin famëlartë thuhet: “Për ata që i përgjigjen Zotit të tyre, është përgatitur e mira e madhe.” (Er-Rad, 18).
Vëllezër e motra!
Zoti ynë na e mundësoftë të gjithëve që të kemi agjërim të lehtë e të pranueshëm, shtim të ibadetit, sevape dhe begati të pafundme. Magfireti, mëshira dhe ndihma e Allahut Fuqiplotë qofshin gjithmonë mbi ne, pra, gjatë këtij muaji të Ramazanit, si edhe gjatë gjithë pjesës tjetër të vitit, por edhe përgjithmonë. Amin!
Urime muaji i bekuar i Ramazanit!
Me respekt dhe sinqeritet të thellë!
Kryetari i KMSHZ-së
Mehas Alija
Të ngjashme
Të tjera nga Feja
E-Diaspora
-
Itali: Shqiptari goditi me çekiç bashkëshorten, arrestohet nga policia Raportohet se një 55-vjeçar shqiptar u arrestua nga policia italiane, pasi më 25 prill goditi me...
-
Xhaka-Gjimshiti nesër përballen për trofeun e Europa League
-
Muharrem Salihu, i gatshëm për deputet në Parlamentin Evropian
-
Inteligjenca e mërgimtarit shqiptar vlerësohet lart, kualifikohet në finalen e kampionatit të matematikës
-
Medina Jusufi Berisha, punon në profesionin që kishte ëndërruar si fëmijë
Jeta në Zvicër
-
Testi, i detyrueshëm për ukrainasit që duan të vazhdojnë vozitjen në Zvicër Që nga fillimi i pushtimit rus, dhjetëra mijëra ukrainas janë strehuar në Zvicër. Gjuha, kërkimi i...
-
Rreth 2.5 milionë njerëz morën pension pleqërie AHV në vitin 2023
-
Kamberi shënon, Zuerichu siguroi kualifikimet në Ligën e Konferencës
-
Medina Jusufi Berisha, punon në profesionin që kishte ëndërruar si fëmijë
-
Aviokompania zvicerane që flet shqip