Kosharja, historia më e lavdishme e UÇK-së

Kosova shënoi sot 23-vjetorin e betejës së Koshares, betejë kjo e cila shënoi edhe thyerjen e kufirit shqiptaro-shqiptar.

Më 9 prill të vitit 1999, në kuadër të operacionit “Shigjeta”, ndërmjet Ushtrisë Çlirimtare të Kosovës dhe ushtrisë jugosllave kjo betejë u fjtua nga shqiptarët.

23 vjet pas, nën patronatin e presidentes Vjosa Osmani u mbajt edhe manifestimi “Ditët e Shqipes”. Ajo tha se kjo është ndër betejat më të rëndësishmeve të Ushtrisë Çlirimtare të Kosovës.

“9 prilli është ditë e veçantë në historinë e Republikës së Kosovës, shënon luftën frontale në rajonin e gjerë të brezit kufitar të Koshares me qëllim të dëbimit të forcave pushtuese serbe nga zona e kufirit shqiptaro-shqiptar dhe me qëllim të çlirimit të vendit tonë. Kjo ishte ndër betejat më të lavdishme të kryera nga Ushtria Çlirimtare e Kosovës”, tha Osmani.

---