Abazoviç prezanton kabinetin e tij, vetëm një ministër shqiptar

Nesër Dritan Abazoviç pritet të shënojë historinë në Malin e Zi duke u bërë kryeministri i parë shqiptar që udhëheq këtë vend

Abazoviç sot ka prezantuar zyrtarisht përbërjen e qeverisë së re të Malit të Zi.

Në përbërje të listës së bërë publike nga mediat lokale janë 4 zv.kryeministra, 18 ministra dhe dy ministra të tjerë pa portofol.

Abazoviç pritet të zgjidhet kryetari i qeverisë së 43-të të Malit të Zi, përcjell Albinfo.ch.

Votimi në Parlament pritet të mbahet të enjten.

I vetmi ministër shqiptar do të jetë Fatmir Deka, i lindur në Tivar dhe i diplomuar në ekonomi.

Deka, i cili më parë ka drejtuar Komunën e Ulqinit, do të mbajë postin e Ministrit për të Drejtat e Njeriu dhe të Pakicave.

 

---