Gjermania tregon arsyet e mbështetjes për anëtarësimin e Kosovës në KE

Kryediplomatja gjermane, Annalena Baerbock, ka thënë se pas vizitës së fundit që zhvilloi në Ballkanin Perëndimor e ka të qartë se rritja e bashkëpunimit me këto shtete është vendimtare. Për këtë, arsye ajo thotë se e mbështet aplikimin e Kosovës në Këshillin e Europës.

“Vizita ime e fundit në vendet e Ballkanit Perëndimor më bëri të qartë se sa vendimtare është intensifikimi i bashkëpunimit tonë me këto shtete në këtë moment vendimtar. Kjo është arsyeja pse ne mbështesim dëshirën e Kosovës për t’iu bashkuar familjes së shteteve anëtare të Këshillit të Europës”, ka thënë Baerbock, sipas një postimi të Ministrisë së Jashtme të Gjermanisë në Twitter