Lajme
Zjarr i madh në Spreitenbach: Të paktën shtatë persona të lënduar
Bitumi i djegur dhe materialet izoluese të ndërtesave shkaktojnë tym të dendur dhe hi që shpërndahet me ajrin. Ka edhe erë, e cila vështirëson punën e shuarjes
Një zjarr i madh ka shpërthyer në një magazinë me bitum në zonën industriale të Spreitenbach-ut (AG) pasditen e së dielës. Një shtëllungë e madhe tymi mund të shihet nga kilometra larg.
Të paktën shtatë persona janë lënduar pas zjarrit të madh në Spreitbach, bëjnë me dije mediat zvicerane si Tages Anzeiger, 20 minuten etj.
Alarmi për zjarrin është marrë në orën 16:30, njofton mediat zëdhënësi i policisë kantonale të Aargaut, transmeton albinfo.ch. Brigada të ndryshme zjarrfikëse nga Spreitbach-u dhe komunitat përreth, si: Baden, Wettingen, Dietikon dhe Würenlos janë në detyrë.
Sipas policisë së kantonit, ndërtesat tashmë janë shembur. Kamionët e parkuar pranë ndërtesëave gjithashtu kanë marrë flakë, raporton srf.ch
Bitumi i djegur dhe materialet izoluese të ndërtesave shkaktojnë tym të dendur e të zi dhe shumë hi që shpërndahet me ajrin. Ka edhe erë, e cila e vështirëson edhe më shumë punën e shuarjes.
Vendi i zjarrit është në autostradën A1 midis zonës së shërbimit Würenlos dhe Dietikon. Policia ka bllokuar hyrjen e autostradës Spreitenbach. Në drejtim të Bernës, korsia e djathtë është e mbyllur. Prandaj ka bllokime trafiku në Westring nga Urdorf-Nord, raporton viasuisse.
Tymi gjithashtu shkakton dëmtim të rëndë të fushës së shikimit në autostradë, përcjell albinfo.ch. Sipas policisë, është shqyrtuar edhe nëse autostrada në pjesën në fjalë është dashur të mbyllet plotësisht.
Policia u ka bërë thirrje banorëve të zonës që të mbyllin dritaret dhe dyert dhe të mbyllin klimatizimin dhe ventilimin. Zjarri ka sjellë një erë të fortë, të pakëndshme dhe tym të dendur. Popullsisë i kërkohet gjithashtu që të mos hyjë në zonën e Spreitenbach-ut dhe të lëvizë gjerësisht rreth saj.
“Ky material është shumë i djegshëm, gjë që shpjegon edhe zhvillimin e tymit të rëndë. Ky tym është helmues”, thonë zjarrfikësit.
Të tjera nga Lajme
E-Diaspora
-
Bizneset nga diaspora vizitojnë “Shtëpinë e Kosovës” Pas eventit të mbajtur dje në Prishtinë ku u bashkuan rreth 350 biznese nga diaspora dhe...
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada
-
Regjistrimi i popullsisë: Diaspora mund të regjistrohet online deri më 31 gusht
Jeta në Zvicër
-
Zvicra vendosi të ndajë të dhënat e pasagjerëve të fluturimit me policinë Pa planin e propozuar, Zvicra do të përballej me disavantazhe ekonomike...
-
4% e shoferëve në Zvicër drejtojnë makinën nën ndikimin e alkoolit
-
Përmbledhje e lajmeve nga Zvicra për të cilat duhet të dini këtë javë
-
Në cilat punë në Zvicër punëtorët e huaj fitojnë më shumë se zviceranët?
-
Kaos në tunelin Gotthard: Shoferët sulmojnë aktivistët e klimës (VIDEO)