Lajme
BE-ja qorton Vuçiqin për afërsi me Putinin
Deputetja e Parlamentit Europian, Viola von Cramon, deklaroi se nuk është diçka e mirë fakti që presidenti serb, Aleksandër Vuçiç, po mban anën e homologut rus, Vladimir Putin.
Në një intervistë për “N1”, Cramon u shpreh se Serbia po qëndron në anën e gabuar të historisë, teksa shtoi se ka pasur një bisedë me Vuçiç, temë e së cilës ka qenë edhe marrëdhëniet midis Serbisë dhe Rusisë.
“Sigurisht që kemi biseduar për marrëdhëniet e Serbisë me Rusinë, marrëdhëniet shumë të ngushta, nëse shikohen historikisht dhe për shkak të kësaj populli serb ndihet afër Rusisë, për shkak të trashëgimisë historike”, tha von Cramon.
Ajo nënvizoi se Serbia duhet të ulë varësinë nga gazi rus, megjithatë sipas saj, i takon qeverisë serbe që të vendosë në lidhje me këtë çështje.
Ndër të tjera, von Cramon theksoi Serbia nuk duhet të lobojë kundër pavarësisë së Kosovës dhe se Beogradi zyrtar do ta ketë të vështirë të hyjë në Bashkimin Europian.
“Ne duhet të sigurohemi që edhe Kosova të marrë vendin e saj. Nuk është në interesin tonë që Serbia të lobojë kundër pavarësisë së Kosovës. Unë do të doja që Kosova të ishte në të njëjtin nivel me Serbinë brenda BE-së. Në fund, mendoj se kjo është edhe në interesin e popullit serb, sepse pa zgjidhjen e kësaj çështjeje do të jetë vështirë për Serbinë që të integrohet në BE”, tha Von Cramon.
E-Diaspora
-
Arnold “The Cobra” Gjergjaj triumfon në luftën e fundit Gjatë së shtunës Arnold “The Cobra” Gjergjaj triumfoi kundër Dennis Lewandowski. Kjo ndeshje e madhe u...
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
Jeta në Zvicër
-
A priten vonesa dhe tollovi në aeroportin e Cyrihut? Pashkët dhe pushimet e pranverës janë ndër kohët e pikut. Kërkohet personeli, duke përfshirë ata nga...
-
Arnold “The Cobra” Gjergjaj triumfon në luftën e fundit
-
Komiteti parlamentar zviceran kërkon 15 milionë CHF për Kampionatin Evropian të Futbollit për Femra 2025
-
Presidenti i SNB-së paralajmëron për goditje të mundshme inflacioni në Zvicër
-
Gjashtë gjëra që duhet të dini për pagat në Zvicër