Sërish të shtëna masive në SHBA, qëllohen me armë 13 persona

Të paktën 13 persona janë qëlluar me armë, dhe dy prej tyre janë vrarë gjatë të shtënave masive në Philadelphia gjatë të shtunës mbrëma, ka njoftuar policia amerikane.

Të shtënat filluan në jug të vendit, pak çaste para mesnate. Policët i ishin përgjigjur telefonave për të shtëna armësh. Me të mbërritur në vendin e ngjarjes, panë një burrë duke shtënë mbi civilët, transmeton albinfo.ch.

Ata menjëherë hapën zjarr mbi një të dyshuar, për të cilin akoma nuk dihet nëse është qëlluar. Ndërkaq shtatë prej viktimave të sulmit janë dërguar në spitalin Thomas Jefferson. Pesë të tjerë në spitalin e Pennsylvania – përfshirë edhe të dyshuarin.

Tre prej viktimave të tjera u shtrinë në spitalin Penn Presbyterian. Gjendja e tyre nuk është bërë e ditur menjëherë. Në anën tjetër, është bërë e ditur se asnjë nga zyrtarët policorë nuk është plagosur nga ky sulm.

*Alert* Emergency personnel are responding to a shooting incident in the area of 3rd and South Streets. Several people have been injured. Please avoid the area.

— Philadelphia Police Department (@PhillyPolice) June 5, 2022