Lajme
Von der Leyen: BE do të marrë pjesë financiarisht në rindërtimin e Ukrainës
BE-ja premton 205 milionë euro ndihmë shtesë për Ukrainën
“Bashkimi Evropian ka një detyrë morale të marrë pjesë financiarisht në rindërtimin e Ukrainës dhe do ta bëjë këtë, duke sugjeruar kritere të qëndrueshmërisë mjedisore”, ka deklaruar presidentja e Komisionit Evropian, Ursula von der Leyen, përcjell albinfo.ch.
Në një deklaratë të Komisionit Evropian thuhet se për shkak të nevojës gjithnjë në rritje të njerëzve në Ukrainë, është marrë vendim për ndihmë shtesë në shumën prej 205 milionë eurosh.
Kështu, vlera e ndihmës që nga fillimi i luftës e deri më sot ka arritur në 700 milionë euro, nga të cilat 13 milionë euro janë ndarë për projekte në Moldavi.
Ajo foli mëngjesin e sotëm në Vatikan në konferencën kushtuar temës “Rindërtimi i së ardhmes për njerëzit dhe planetin”, organizuar nga Akademia Papnore e Shkencave së bashku me Bauhaus Earth.
“Nuk ka fjalë për të përshkruar shkatërrimin e shkaktuar nga kjo luftë mizore”, tha Von der Leyen:
“Ne do të fillojmë të rindërtojmë Ukrainën dhe kjo nuk është vetëm në interesin e Evropës, por është detyra jonë morale të japim një kontribut të fortë rindërtimit”, u shpreh ajo.
“Të gjithë do të duhet të kontribuojnë, institucionet financiare, por ne kemi një detyrë morale të rindërtojmë. Unë fola për këtë me Zelensky, do të ketë iniciativa për financim, një plan Marshall për Ukrainën, për koordinim, ajo që është më e rëndësishme, janë shtëpitë e shkatërruara, rrënojat, e ne do ta rindërtojmë Ukrainën, por do të duhet ta bëjmë atë në një mënyrë më të mirë. Unë do të jem përgjegjëse për paratë dhe për reformat që lidhen me investimet, dhe rindërtimi do të jetë përgjegjësi e ukrainasve, ata do të vendosin se si të rindërtojnë, por ata tashmë po kërkojnë këshilla. Ne nuk duhet të kthehemi në strukturat e vjetra. në BE, ne duhet ta bëjmë atë në mënyrën më të mirë të mundshme, dhe këto janë parimet e Bauhaus-it të ri europian”, nismë e paraqitur nga vetë Von der Leyen, që synon një politikë të qëndrueshme urbane dhe arkitekturore për mjedisin.”
Kryekomisionerja europiane, Ursula Von Der Leyen, ndodhet për një vizitë zyrtare në Romë, ku pritet të takohet me Presidentin italian, Sergio Mattarella, me Kryeministrin Mario Draghi, me Papa Franceskun e me Kryetarin e Bashkisë së Romë, Robeto Gualtieri.
Ajo do të marrë pjesë dhe në ceremoninë e përurimit të Festivalit Ndërkombëtar të lansuar nga Bashkimi Europian “New European Bauhaus”.
E-Diaspora
-
Arnold “The Cobra” Gjergjaj triumfon në luftën e fundit Gjatë së shtunës Arnold “The Cobra” Gjergjaj triumfoi kundër Dennis Lewandowski. Kjo ndeshje e madhe u...
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
Jeta në Zvicër
-
Arnold “The Cobra” Gjergjaj triumfon në luftën e fundit Gjatë së shtunës Arnold “The Cobra” Gjergjaj triumfoi kundër Dennis Lewandowski. Kjo ndeshje e madhe u...
-
Komiteti parlamentar zviceran kërkon 15 milionë CHF për Kampionatin Evropian të Futbollit për Femra 2025
-
Presidenti i SNB-së paralajmëron për goditje të mundshme inflacioni në Zvicër
-
Gjashtë gjëra që duhet të dini për pagat në Zvicër
-
SNB, 58.8 miliardë fitim neto në tremujorin e parë