Shqiptari plagos dy policë në Itali

Dy agjentë policie kanë mbetur të plagosur nga përplasja e automjeteve e po ashtu dhe shqiptari.

Një 39-vjeçar shqiptar me precedent penal me një autoveturë BMW nuk e ka përfillur urdhrin e ndalimit të policisë italiane, përcjell albinfo.ch.

Pas disa minutash ndjekjeje nga policia, ai është përplasur me një automjet policie.

Për ta ndaluar, forcat policore kanë qëlluar gomat e makinës të shqiptarit.

Më pas shqiptari ka hedhur nga dritarja e makinës portofolin dhe orën e dorës.

Për ta bllokuar shqiptarin është përdorur taser pistoleta paralizuese.

Ndërkohë dy agjentë policie kanë mbetur të plagosur nga përplasja e automjeteve, e po ashtu dhe shqiptari.

 

---