Lajme
A po synohet anëtarësimi i Zvicrës në Bashkimin Evropian?
Këshilli partiak i PS-së zvicerane, miratoi një dokument që mbështet anëtarësimin e Zvicrës në Bashkimin Evropian.
Dje, Këshilli partiak i PS-së zvicerane, në Neuchâtel doli me njoftimin se ka miratuar dokumentin e brendshëm që mbështet një strategji që synon anëtarësimin e Zvicrës në Bashkimin Evropian, njofton albinfo.ch.
Jon Pult, nënkryetar i PS-së dhe autor i dokumentit tha se ai beson se janë në një rrugë që duhet ta ndjekë edhe Zvicra.
“Kemi gjetur një zgjidhje. Është një strategji inteligjente dhe e realizueshme, por edhe me një peshë të fortë, një bazë vlerash për politikën europiane të partisë sonë”, komentoi Pult.
Projekti në fjalë është i ndarë në tri faza:
1/ Parashikohet një marrëveshje stabilizimi që rregullon pjesëmarrjen në programe si Erasmus dhe Horizon Europe;
2/ Një marrëveshje ekonomike dhe bashkëpunimi për të adresuar çështjet institucionale të aksesit në treg;
3/ Nga viti 2027 do të duhet të fillojnë negociatat për anëtarësimin e Zvicrës në BE.
Ndërkohë, politikani Graubünden tha se opinioni zviceran po ndryshon në lidhje me raportin BE.
“Kjo luftë imperialiste dhe ky agresion i paligjshëm i Putinit kundër një vendi të lirë, demokratik evropian si Ukraina” i bën njerëzit në Zvicër të reflektojnë edhe për faktin se “të qenit pjesë e këtij institucioni mbikombëtar që mbron vlerat e demokracisë, të shtetit ligjor, të të jetuarit së bashku në paqe, është një perspektivë tërheqëse për të ardhmen dhe një perspektivë e domosdoshme”. /Albinfo.ch
E-Diaspora
-
Regjistrimi i popullsisë: Diaspora mund të regjistrohet online deri më 31 gusht Qeveria e Republikës së Kosovës ka zhvilluar një mbledhje elektronike, në të cilën, me kërkesë të...
-
Katër mërgimtarët që udhëtuan nga Zvicra në Strugë me biçikletë
-
Kosovë: Në 11 komuna shtyhet regjistrimi i popullsisë deri më 24 maj, për diasporën deri 31 gusht
-
Rreth 350 biznese nga diaspora dhe Kosova u mblodhen në Prishtinë
-
Ermonela Jaho me performancë në Royal Opera House, në skenë me të ngjitet edhe Mbreti Charles III
Jeta në Zvicër
-
A do të largohet selia e FIFA-s nga Zvicra? Të premten organi qeverisës ndërkombëtar i futbollit hodhi themelet formale për një largim teorik nga selia...
-
Shqetësime për planet zvicerane të transportit nëntokësor të mallrave
-
Mbyllet tuneli Gotthard si pasojë e një aksidenti: Pritjet si pasojë e kolonës, deri në një orë
-
Pse kaq shumë organizata sportive ndërkombëtare kanë bazën në Zvicër?
-
Katër mërgimtarët që udhëtuan nga Zvicra në Strugë me biçikletë