Lajme
Shfaqet rasti i parë me ‘Ethet e Nilit’ në Evropë
Rasti i parë në Itali i etheve të Nilit Perëndimor është raportuar në provincën e Padovës që nga fillimi i verës 2022.
Kështu ka bërë të ditur Instituti i Lartë i Shëndetësisë në buletinin e tij të integruar të mbikëqyrjes për këtë sëmundje dhe virusin Usutu.
Ai u konstatua tek një 70-vjeçar, i shtruar ditët e fundit në terapi intensive. Burri fillimisht është shtruar në spital me simptoma kardiologjike dhe më pas neurologjike që i atribuohen virusit.
Nëse tek fëmijët dhe të rinjtë infeksioni zakonisht shfaqet me temperaturë të lehtë ose të moderuar, te të moshuarit dhe te personat e dobësuar simptomat mund të jenë më të rënda. Ky është rasti i vetëm i raportuar në Bashkimin Evropian.
Mbartësit e virusit janë zogjtë e egër dhe mushkonjat, specie të tipit Culex. Transmetimi te njeriu ndodh kryesisht përmes pickimit, por janë raportuar edhe raste të infeksionit për shkak të transplantimit të organeve, transfuzioneve të gjakut dhe transmetimit nga nëna te fetusi gjatë shtatzënisë.
Megjithatë virusi nuk transmetohet nga personi në person përmes kontaktit me të infektuarit. Megjithatë, virusi nuk prek vetëm njerëzit, por edhe gjitarët e tjerë, veçanërisht kuajt, por dhe qentë, macet dhe lepujt.
Periudha e inkubacionit varion nga 2 deri në 14 ditë nga punksioni, por mund të jetë deri në 21 ditë tek personat me dobësi të sistemit imunitar.
Nga rastet simptomatike, rreth 20% paraqiten me ethe, dhimbje koke, nauze, të vjella, ënjtje të nyjeve limfatike dhe skuqje të lëkurës. Sëmundja mund të zgjasë disa ditë.
Simptomat më të rënda shfaqen në më pak se 1% të personave të infektuar, të cilët raportojnë temperaturë të lartë, dhimbje koke të forta, dobësi muskulore, çorientim, dridhje, shqetësime të shikimit, mpirje, konvulsione, deri në paralizë dhe koma.
Disa efekte neurologjike mund të jenë të përhershme. EpiCentro thekson se vetëm në rastet më të rënda virusi mund të shkaktojë encefalit vdekjeprurës. Në Itali, në vitin 2018, ethet e Nilit Perëndimor shkaktuan disa vdekje.
Virusi është endemik në Veneto, si dhe në zona të tjera të Luginës së Po. Megjithatë, infeksioni i parë te një mashkull është konstatuar vetëm tani që në fillim të verës 2022. Mbikëqyrja veterinare në Itali tek kuajt, mushkonjat, zogjtë e zbutur dhe të egër ka konfirmuar “qarkullimin e virusit në Veneto, Emilia-Romagna, Lombardia dhe Sardenja”.
E-Diaspora
-
Robin Krasniqi fiton me pikë ndaj portugezit Jorge Silva Boksieri kosovar, Robin (Haxhi) Krasniqi, ka mposhtur portugezin Jorge Silva të shtunën, në meçin e zhvilluar...
-
Sot shfaqet në Cyrih filmi “The Land within”, i regjisorit Fisnik Maxville
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
-
Kalabri - Itali
Gennaro Gattuso flet për rrënjët e tij në Kalabri
-
Gjermani
Iu dha lamtumira e fundit dje mërgimtarit nga Gjermania që humbi jetën në vendin e punës
Jeta në Zvicër
-
Qindra studentë protestuan para Universitetit të Lozanës Disa qindra njerëz u dyndën në kampusin e Universitetit të Lozanës të shtunën për të mbështetur...
-
Fëmijët të mbahen larg celularëve
-
Sot zviceranët votojnë për ligjin e ri të biçikletave dhe kredinë për shkollën profesionale
-
Rritje 293 për qind e studentëve të huaj në Universitetin e Cyrihut
-
Nëntë kilometra bllokim trafiku përpara tunelit Gotthard