Lajme
Zbulohet një virus në Kinë, ka prejardhje nga minjtë
Virusi, sipas studiuesve duket se nuk mund të kalojë lehtë nga njeriu te njeriu
Që nga viti 2018 dhe deri më tani, të paktën 35 persona janë infektuar me një virus të ri me origjinë shtazore në provincat kineze Shandong dhe Henan. Sipas një grupi shkencëtarësh nga Kina dhe Singapori, të cilët botuan një artikull në “New England Journal of Medicine”, përgjegjës për infeksionin është një henipavirus (i quajtur Langya henipavirus, shkurtuar si LayV) që lidhet me disa raste febrile. Njerëzit e infektuar kanë simptoma si ethe, lodhje, kollë, anoreksi, dhimbje muskujsh dhe të vjella.
Henipaviruset klasifikohen nga OBSH si një virus i nivelit 4 të biosigurisë. Ata mund të shkaktojnë sëmundje serioze te kafshët dhe njerëzit me shkallë vdekshmërie midis 40 dhe 75%, pra shumë më e lartë se koronavirusi. Aktualisht nuk ka asnjë vaksinë apo trajtim për henipavirusin dhe i vetmi trajtim është kujdesi mbështetës për të menaxhuar komplikimet, transmeton Cnn, përcjell Albinfo.ch. Asnjë shpërthim i rëndësishëm i henipavirusit Langya nuk është gjetur deri më tani, që do të thotë se transmetimi i virusit nga njeriu te njeriu nuk është vërtetuar, megjithëse raportet e mëparshme tregojnë se virusi mund të transmetohet nga personi në person.
Virusi, sipas studiuesve, duket se nuk mund të kalojë lehtë nga njeriu te njeriu: “Nuk ka pasur asnjë kontakt të ngushtë apo histori të përbashkët ekspozimi mes pacientëve, gjë që tregon se infeksioni në popullatën njerëzore mund të jetë sporadik“, shkruajnë studiuesit. Gjurmimi i kontakteve të pacientëve gjithashtu nuk dokumentoi ndonjë infektim. Për sa i përket origjinës, hetimi i kafshëve që ranë në kontakt me pacientët, tregoi një prani të lartë të virusit të brejtësve, të cilët mund të jenë një rezervuar natyror i LayV.
E-Diaspora
-
Filmi “The Land within”, lufta në Kosovë, e vështruar nga një kënd tjetër Në "Kino Kosova" është shfaqur edhe filmi "The Land within", i regjisorit shqiptaro-zviceran Fisnik Maxville (Maxhuni),...
-
Robin Krasniqi fiton me pikë ndaj portugezit Jorge Silva
-
Sot shfaqet në Cyrih filmi “The Land within”, i regjisorit Fisnik Maxville
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
-
Kalabri - Itali
Gennaro Gattuso flet për rrënjët e tij në Kalabri
Jeta në Zvicër
-
Ja sa janë rritur fitimet e shefave të sigurimeve shëndetësore në Zvicër Që nga viti 2016, kompanitë e sigurimeve shëndetësore janë të detyruara të bëjnë të ditur kompensimin...
-
Sa banorë të huaj bëhen shtetas zviceranë çdo vit?
-
Filmi “The Land within”, lufta në Kosovë, e vështruar nga një kënd tjetër
-
Qindra studentë protestuan para Universitetit të Lozanës
-
Fëmijët të mbahen larg celularëve