Presidenti i Shqipërisë të hënën në Kosovë, në vizitën e parë jashtë vendit

Kjo shënon vizitën e parë të tij jashtë shtetit nga marrja e detyrës së presidentit më 24 korrik.

Të hënën do të qëndrojë për vizitë në Kosovë presidenti i Shqipërisë, Bajram Begaj. Kjo njëherësh shënon vizitën e parë të tij jashtë shtetit nga marrja e detyrës së presidentit më 24 korrik, raporton Albinfo.ch.

Për vizitën e Begajt në Kosovë ka njoftuar Kuvendi i Kosovës në një njoftim për media, ku ka treguar për agjendën e kryeparlamentarit Glauk Konjufca.

“Agjenda e kryetarit Glauk Konjufca për të hënën, 15 gusht 2022. Kryetari i Kuvendit të Republikës së Kosovës, Glauk Konjufca, pret në takim presidentin e Republikës së Shqipërisë, Bajram Begaj. Media do të lejohen të marrin vetëm pamje në fillim të takimit”, thuhet në njoftim.

Ende nuk është bërë e ditur agjenda e plotë e presidentit shqiptar gjatë qëndrimit në Kosovë./Albinfo.ch

---