Kosova
Pse nuk u takua kryetari i LDK-së me presidentin e Shqipërisë, Bajram Begaj?
Presidenti i Shqipërisë, Bajram Begaj i cili dje dhe sot po qëndron për vizitë në Kosovë, ka zhvilluar takime me partitë opozitare. Ai është takuar në ndërtesën e Kuvendit të Kosovës, me kryetarin e PDK-së, Memli Krasniqi dhe kryetarin e AAK-së, Ramush Haradinaj. Por jo edhe me kryetarin e LDK-së, Lumir Abdixhiku.
Presidenti i Shqipërisë, Bajram Begaj, i cili dje dhe sot po qëndron për vizitë në Kosovë, ka zhvilluar takime me partitë opozitare. Ai është takuar në ndërtesën e Kuvendit të Kosovës me kryetarin e PDK-së, Memli Krasniqi dhe me kryetarin e AAK-së, Ramush Haradinaj. Por jo edhe me kryetarin e LDK-së, Lumir Abdixhiku.
Gjatë ditës është raportuar se kryetari i LDK-së, Lumir Abdixhiku, ka dashur që takimin me presidentin shqiptar ta zhvillojë në selinë e Lidhjes Demokratike të Kosovës. Por në agjendën e presidentit Begaj ka qenë që takimet të zhvillohen në ndërtesën e Kuvendit.
Për dallim prej Begajt, kreu i LDK-së kishte zhvilluar takim në muajin maj me presidentin e Malit të Zi në njërin nga hotelet e Prishtinës. Këtë e kanë arsyetuar në LDK. Zëdhënësja e këtij subjekti, Sibel Halimi, ka thënë për Express se ka qenë kërkesë specifike e shefit të shtetit malazez që për arsye sigurie takimi të zhvillohet në atë ambient, përcjell Albinfo.ch.
“Për hir të informimit të saktë të publikut, takimi i mëhershëm i kryetarit të LDK-së, Lumir Abdixhiku, me Presidentin Gjukanoviq, është mbajtur në një hotel në Prishtinë, për arsye sigurie, si kërkesë specifike e këtij të fundit”, tha Halimi.
Tutje Halimi u shpreh se në rastin e presidentit të Shqipërisë nuk ka pasur kërkesë për shkaqe sigurie.
“Ndërkohë që në rastin e Presidentit Begaj nuk ka pasur një kërkesë të tillë për shkaqe sigurie, apo çfarëdo arsye tjetër të ngjashme”, tha ajo.
Gjithsesi Halimi tha se LDK synon të ndërtojë bashkëpunim korrekt me presidentin e ri të Shqipërisë.
“Ashtu siç kemi bërë të ditur, Lidhja Demokratike e Kosovës shpreh keqardhje për mosrealizimin e takimit tonë zyrtar me Presidentin e ri të Shqipërisë, Shkëlqësinë e Tij, z. Bajram Begaj; me rastin e vizitës së tij të parë në Kosovë. LDK i vlerëson si qenësore raportet e mira të shtetit tonë me Republikën e Shqipërisë, ndaj në vazhdimësi ka mbajtur komunikim të rregullt me të gjithë krahët politikë atje. Një bashkëpunim të tillë – të afërt, synojmë të ndërtojmë edhe me Presidentin e sapozgjedhur, z. Bajram Begaj”, ka thënë Halimi.
Nga LDK-ja jozyrtarisht i thanë Expressit se presidenti Begaj kishte kërkuar të takohen në ambiente të tjera, e jo në zyrë të partisë, gjë për të cilën LDK nuk ka pranuar./Albinfo.ch
E-Diaspora
-
Sot shfaqet në Cyrih filmi “The Land within”, i regjisorit Fisnik Maxville Filmi shfaqet në kuadrin e festivalit të filmit "Kino Kosova" që po mbahet në kinemanë RiffRaff...
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
-
Kalabri - Itali
Gennaro Gattuso flet për rrënjët e tij në Kalabri
-
Gjermani
Iu dha lamtumira e fundit dje mërgimtarit nga Gjermania që humbi jetën në vendin e punës
-
Paris
Paris: Sukses i madh i filmit “Tashko & Koço”
Jeta në Zvicër
-
Nëntë kilometra bllokim trafiku përpara tunelit Gotthard Të shtunën ka pasur sërish bllokim trafiku para portaleve të tunelit Gotthard. Udhëtarët duhej të prisnin...
-
A është e ligjshme djegia e flamurit të Zvicrës?
-
Pesë lajme të mëdha nga Zvicra, për të cilat duhet të dini këtë javë
-
Bazel: Politikanët po bëjnë thirrje për mbajtjen e fëmijëve larg celularëve
-
Transmetuesit publikë zviceranë tërhiqen nga X/Twitter