Mbi 8.1 milionë refugjatë ukrainas kanë ikur në vendet e BE-së

Keystone

Që nga fillimi i luftës në Ukrainë, gjithsej 8.1 milionë refugjatë ukrainas kanë kaluar kufirin drejt vendeve të Bashkimit Evropian për të kërkuar mbrojtje dhe siguri nga pushtimi rus.

Në të njëjtën kohë, nga 24 shkurti deri më 23 korrik, rreth 6.6 milionë njerëz u zhvendosën brenda territorit të Ukrainës, transmeton albinfo.ch.

Sipas të dhënave të Agjencisë së Kombeve të Bashkuara për Refugjatët, midis pushtimit të Rusisë më 24 shkurt dhe 15 gusht 2022, rreth 10.9 milionë njerëz u larguan nga Ukraina.

Për më tepër, rreth 4.1 milionë njerëz që ikën nga Ukraina u regjistruan për mbrojtje të përkohshme në 29 vendet e BE-së nga fillimi i luftës deri më 14 gusht.

Të dhëna të tilla tregojnë gjithashtu se nga 21 shkurti deri më 14 gusht 2022 janë paraqitur rreth 24.300 kërkesa për mbrojtje ndërkombëtare nga shtetas ukrainas.

Që nga 17 qershori, më shumë se 5.7 milionë refugjatë ukrainas kishin ikur në vendet e Bashkimit Evropian që nga fillimi i luftës, transmeton tutje albinfo.ch.