Lajme
Në tetor vjen pasaporta e përditësuar zvicerane
Standardet aktuale të sigurisë e bëjnë të nevojshëm rinovimin e pasaportës zvicerane. Një familje e re pasaportash do të prezantohet në Zvicër në muajin tetor të këtij viti. Se si duhet të duket kjo, është ende një sekret
Dizajni i pasaportës zvicerane nuk ka ndryshuar për rreth 20 vjet. Tani pamja duhet të ndryshojë, pra dizajni do të “rinovohet plotësisht”, shkruan Zyra e Policisë Federale në një deklaratë të saj për media.
Rinovimi i fundit, në vitin 2006
Megjithatë, funksioni i tij do të mbetet i pandryshuar. Fedpol gjithashtu beson se pasaporta do të vazhdojë të vijë me mbulesën e saj të kuqe, transmeton albinfo.ch. Pra, ngjyra nuk ndryshon shumë. Pasaporta zvicerane u përshtat për herë të fundit me standardet e sigurisë së kohës në vitin 2006 me futjen e biometrisë.
Megjithatë, në mënyrë që pasaporta zvicerane të përmbushë standardet më të fundit të sigurisë, ajo duhet të rinovohet. Pavarësisht nga kjo, pasaportat e lëshuara deri më tani mbeten të vlefshme deri në datën që e kanë të shtypur.
Futet edhe “Zvicra e pestë” (diaspora zvicerane)
Si risi, shfaqet “Zvicra e pestë” (diaspora zvicerane në botë) krahas 26 kantoneve ekzistuese. Kjo synon të përfaqësojë zviceranët jashtë vendit.
Kushdo që ka nevojë për një pasaportë të re dhe e dëshiron një me një pamje të re, mund të caktojë një termin për dhënien e të dhënave biometrike në zyrat e pasaportave dhe përfaqësitë përgjegjëse zvicerane jashtë vendit, duke filluar nga data 31 tetor 2022.
Familja e re e pasaportave zvicerane përbëhet nga pasaporta e zakonshme, pasaporta diplomatike, pasaporta e shërbimit, dokumenti i udhëtimit (“pasaporta e refugjatit”) dhe pasaporta për të huajt që jetojnë në Zvicër, përcjell albinfo.chisa. Një pasaportë emergjente gjithashtu do të futet në një datë të mëvonshme.
E-Diaspora
-
Bizneset nga diaspora vizitojnë “Shtëpinë e Kosovës” Pas eventit të mbajtur dje në Prishtinë ku u bashkuan rreth 350 biznese nga diaspora dhe...
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada
-
Regjistrimi i popullsisë: Diaspora mund të regjistrohet online deri më 31 gusht
Jeta në Zvicër
-
Rrëshqitja e shkëmbinjve në Brienz: A ekziston një kërcënim? Fshati malor Graubünden i Brienz ishte jashtëzakonisht me fat gjatë rrëshqitjes së dheut në verën e...
-
Gotthard, mbi 20 kilometra bllokime trafiku
-
Zvicër: Rastet e kollës te fëmijët, shumë të shpeshta
-
A do të largohet selia e FIFA-s nga Zvicra?
-
Shqetësime për planet zvicerane të transportit nëntokësor të mallrave