Shkarkohen meteorologët, parashikimi i gabuar i motit ua anuloi shfaqjen

Camille Couvez Avatar of user Camille Couvez Camille Couvez @camille_couvez @camille_couvez

Qeveria hungareze shkarkoi kreun e shërbimit meteorologjik të vendit dhe zëvendësen e saj të hënën, dy ditë pasi një shfaqje e madhe e fishekzjarreve e planifikuar në Budapest u shty për shkak të frikës së motit të keq që rezultoi se nuk ishte aspak i keq, shkruan Euronews, përcjell albinfo.ch.

Kornelia Radics dhe Gyula Horvath të Agjencisë Kombëtare Meteorologjike (NMS) u shkarkuan nga postet e tyre nga ministri i Teknologjisë dhe Industrisë, Laszlo Palkovics, shkruan Euronews.

Njoftimi erdhi një ditë pasi media pro-qeveritare kritikoi agjencinë e motit, parashikimi i së cilës për stuhi dhe erëra çoi në anulimin e shfaqjes së fishekzjarreve të shtunën.

Festimi për Ditën e Shën Stefanit duhej “të përshkruante një kronikë të përmbledhur të 1 000 vjetësh nga lindja e Hungarisë së krishterë deri në ditët e sotme, duke u përqendruar në mësimet e vlerave kombëtare”, thuhet në faqen e internetit që ka planifikuar këtë shfaqje me fishekzjarrë.

Festimet, sipas organizatorëve, kishin për qëllim të vinin në pah momentet më të rëndësishme të historisë hungareze dhe “vlerat e rëndësishme kombëtare që po ashtu mund të ofrojnë mësim moral për jetën e përditshme”.