Rritet papunësia në Gjermani gjatë muajit gusht

pixabay

Bëhet e ditur se numri i të papunëve në Gjermani u rrit në gusht në mbi 2.5 milionë, tha Andrea Nahles, shefe e Agjencisë Federale të Punësimit, njofton albinfo.ch.

Në një deklaratë ajo shprehu mendimin se “pavarësisht nga gjendja e pasigurt ekonomike dhe politike, tregu i punës është i fuqishëm”.

Thuhet se shkaku i rritjes së numrit të të papunëve ka të bëjë, kryesisht, me regjistrimin e refugjatëve ukrainas në qendrat e punës.

Referuar Agjencisë së Punës, numri i të papunëve u rrit për 77.000 persona nga korriku në gusht, kështu që shkalla e papunësisë u rrit në 5.6 për qind. Kjo është e zakonshme për muajin gusht, kurse në vjeshtë fillon përsëri të përmirësohet situata në tregun e punës.