Lajme

Lira turke zhvlerësohet në nivel rekord

E enjte, 22 Shtator 2022 - 16:20 albinfo.ch
Pixabay

Lira turke ka rënë në nivelin më të ulët ndonjëherë, duke u treguar me 18.40 për një dollar amerikan.

Kjo situatë vjen pasi Banka Qendrore e Turqisë e ka ulur normën e interesit – për herë të dytë brenda muajit – pavarësisht inflacionit të lartë.

Banka në Ankara ka thënë përmes një deklarate se “do të vazhdojë të përdorë të gjitha instrumentet” derisa të arrihet synimi i Qeverisë për inflacion 5 për qind.

Inflacioni turk ka rrëshqitur në mbi 80 për qind në gusht, sipas statistikave zyrtare.

Grupet e pavarura kërkimore besojnë se inflacioni brenda shtetit është dyfish më i madh sesa në shifrat zyrtare./REL

 Të tjera nga Lajme

Kurti nis takimet me opozitën për zgjedhjen e Presidentit, pret Bedri Hamzën

 E-Diaspora

 Jeta në Zvicër