Lajme
BE-ja, pako të re sanksionesh kundër Rusisë
Komisioni Evropian ka prezantuar një propozim për një raund të ri sanksionesh ndaj Rusisë, që shtron bazat ligjore për kufizimin e çmimit të importit të naftës.
Kjo paketë e tetë është një përgjigje ndaj pseudo-referendumeve që janë mbajtur në territoret e pushtuara. Dhe, sipas presidentes së Komisionit, ata kanë si qëllim të zhvatin tokën ukrainase dhe të ndryshojnë përmes forcës kufijtë ndërkombëtarë edhe përmes kërcënimeve për përdorimin e armëve bërthamore, raporton euronews, përcjell Albinfo.ch.
“Ne nuk i pranojmë referendumet e rreme dhe asnjë lloj të aneksimit të Ukrainës. Ne jemi të vendosur ta bëjmë Kremlinin të paguajë për këtë përshkallëzim”, tha Ursula von der Leyen, presidente e Komisionit Evropian.
Çmimi kufizues mbi naftën është koordinuar me vendet e grupimit G7. Por sanksionet e reja e vënë theksin tek tregtia.
Do të ketë një ndalim të importeve mbi produktet ruse që synojnë t’i heqin ekonomisë ruse 7 miliardë euro.
Gjithashtu, do të ketë një embargo tjetër që do të fokusohet tek pajisjet teknologjike, si dhe sanksione ndaj institucioneve dhe personaliteteve.
Dhe këtë herë do të përfshihen edhe shtetasit evropiane që drejtojnë filialet e kompanive shtetërore ruse.
“Ne do të shtojmë objektiva të tjerë. Dhe, mes tyre do të ketë njerëz që nuk janë domosdoshmërish rusë, por që marrin pjesë në anashkalimin e sanksioneve”, u shpreh Josep Borrell, Përfaqësues i Lartë i BE-së.
Deri tani plot 1 mijë e 200 personalitete janë përfshirë në listë, bashkë me banka, kompani dhe tregje që janë prekur rëndë nga sanksionet.
E-Diaspora
-
Arnold “The Cobra” Gjergjaj triumfon në luftën e fundit Gjatë së shtunës Arnold “The Cobra” Gjergjaj triumfoi kundër Dennis Lewandowski. Kjo ndeshje e madhe u...
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
Jeta në Zvicër
-
Bernë: Parukierja me kombinim të pazakontë – prerje, larje dhe këshilla juridike Parukierja në Bernë, Geraldine Scherler ka “guxuar” me një kombinim të pazakontë. Pse të zgjidhni midis...
-
Zgjedhjet Evropiane 2024: Një e katërta e popullsisë zvicerane ka të drejtë vote
-
Zvicër: 26-vjeçari vozit me 161 km/h në zonën e kufizimit 80 km/h
-
AAK – dega në Zvicër zgjedh strukturat drejtuese
-
Incidentet raciste në Zvicër – në rritje, veçanërisht në shkolla