Lajme
Putin paralajmëron hapjen e rubinetave të gazit për Evropën
Rusia nuk ka dërguar që nga gushti gaz në Evropë, e që u ndërpre si pasojë e nisjes së luftës në Ukrainë.
Presidenti i Rusisë, Vladimir Putin, ka thënë se rubinetat e gazit rus mund të hapen për të furnizuar Bashkimin Evropian, pavarësisht mosmarrëveshjeve politike.
Rusia nuk ka dërguar që nga gushti gaz në Evropë, e që u ndërpre si pasojë e nisjes së luftës në Ukrainë.
Rusia është akuzuar për përdorimin e furnizimeve me gaz si armë kundër Perëndimit që nga pushtimi i Ukrainës, një akuzë e mohuar vazhdimisht nga Kremlini.
“Topi, siç thonë ata, tani është në fushën e Bashkimit Evropian – le ta hapin rubinetin. Ne nuk e kufizojmë askënd në asgjë”, ka thënë Putin, duke shtuar se Moska është e gatshme të furnizojë vëllime shtesë të gazit në periudhën vjeshtë-dimër.
Putin i bëri komentet të mërkurën në Javën vjetore të Energjisë Ruse në Moskë, shkruan BBC News, përcjell Albinfo.ch.
Gjatë vitit të kaluar Rusia nisi të ndërpresë furnizimet e saj me gaz në shtetet e BE-së me 88%, ndërsa çmimet me shumicë të gazit në Evropë janë më shumë se dyfishuar gjatë të njëjtës periudhë, por pavarësisht kësaj, Gjermania hodhi poshtë ofertën e Putinit për të dërguar gaz në vendin e tij.
Ndërkohë, ministrat e energjisë të BE-së po diskutojnë në Pragë masat urgjente për të trajtuar krizën energjetike në bllokun 27-anëtarësh./Albinfo.ch
E-Diaspora
-
Bizneset nga diaspora vizitojnë “Shtëpinë e Kosovës” Pas eventit të mbajtur dje në Prishtinë ku u bashkuan rreth 350 biznese nga diaspora dhe...
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada
-
Regjistrimi i popullsisë: Diaspora mund të regjistrohet online deri më 31 gusht
Jeta në Zvicër
-
300 zviceranë të bllokuar në Kaledoninë e Re pas shpërthimit të trazirave Pavarësisht shpalljes së gjendjes së jashtëzakonshme dhe shtetrrethimit gjatë natës, situata nuk është qetësuar dhe mijëra...
-
Shtim i rasteve të sulmeve ndaj infermierëve në Zvicër
-
Bllokime të reja trafiku përpara tunelit Gotthard
-
Zvicra vendosi të ndajë të dhënat e pasagjerëve të fluturimit me policinë
-
4% e shoferëve në Zvicër drejtojnë makinën nën ndikimin e alkoolit