Sistemi i ri, online, i lejeve të qëndrimit në Gjenevë, lehtëson procedurat

(KEYSTONE/Christian Beutler)

Kantoni i Gjenevës ka hapur një shërbim të ri online, në mënyrë që të ardhurit të mund të regjistrojnë mbërritjen e tyre.

Është në dispozicion në frëngjisht dhe anglisht, përcjell albinfo.ch.

Shtetasit zviceranë mund të ndryshojnë kantonin e tyre të qëndrimit dhe jozviceranët mund të aplikojnë për lejet përkatëse të qëndrimit dhe kompanitë mund të marrin leje pune për stafin e tyre.

Zyra Kantonale për Popullsinë dhe Migracionin thotë se përparësia e madhe është se të gjithë formularët e dorëzuar do të jenë të plotë, pasi sistemi nuk lejon dërgimin e formularëve të papërfunduar.

Zyra thotë se me sistemin e letrave, deri në 80% të aplikimeve fillestare janë të paplota.