Lajme
Këshilli Federal jep 248.8 milionë franga për të promovuar integrimin e të huajve
Këshilli Federal dëshiron të vazhdojë të mbështesë integrimin e të huajve me anë të kurseve të gjuhës, praktikave dhe zyrave të specializuara
Këshilli Federal ka vendosur të japë një “kredi zotimi” prej afër 250 milionë CHF (248 milionë) për vitet 2024 deri në 2027. Qeveria e shtetit ka marrë këtë vendim dje, të mërkurën, transmeton albinfo.ch. Rreth gjysma e huasë – 32 milionë CHF në vit – do të rrjedhë në kantone, për zbatimin e programeve të ndryshme integruese.
Marrëveshjet përkatëse të programit parashikojnë shtatë fusha financimi, duke përfshirë gjuhën, trajnimin dhe punësueshmërinë ose bashkëjetesën dhe bashkëpjesëmarrjen, thuhet në një komunikatë të shërbimeve për informim të Këshillit Federal
Kantonet do të përdorin fondet federale kryesisht për të mbështetur masat për migrantët nga BE/EFTA dhe vendet e treta. Kjo shumë nuk përfshin kompensimin e integrimit prej 18,000 CHF për çdo refugjat veç e veç dhe për personat e pranuar përkohësisht (me status F).
E njëjta gjë vlen edhe për kontributet federale për personat me statusin e mbrojtjes S.
Programe dhe projekte
Përveç kontributeve federale në programet e integrimit kantonal, kredia e zotimit parashikon edhe kontribute për programe dhe projekte me rëndësi kombëtare në shumën totale prej 119 milionë frangash. Ndër të tjera, bëhet fjalë për arsimin paraprak në fushë të integrimit, i cili përgatit migrantët në mënyrë të synuar dhe të orientuar drejt praktikës për një praktikë (zanat ose kualifikim) të rregullt.
Së fundi, kredia e planifikuar e zotimit përfshin kontribute në masat për sigurimin e cilësisë dhe promovimin e inovacionit, përcjell albinfo.ch. Kjo përfshin, për shembull, mbështetjen e institucioneve kombëtare si klinikat ambulatore për trajtimin e refugjatëve të traumatizuar, njësinë e specializuar për martesat e detyruara ose “Rrjetin kundër gjymtimit gjenital femëror në Zvicër”.
Kredia do të trajtohet nga Parlamenti si pjesë e debatit për buxhetin e vitit 2024.
Të ngjashme
Të tjera nga Lajme
E-Diaspora
-
400 mijë të regjistruar përmes platformës e-diaspora Teksa Kosova ka hyrë në ditët e funfit të procesit të regjistrimit të popullsisë është rritur...
-
Bizneset ekspozojnë produktet e tyre në “Panairi Lugina” në Zvicër
-
Arbëreshët, kjo rrënjë e fortë e Atdheut!
-
Osmani u drejtohet bizneseve amerikane në Teksas: Investoni në Kosovë
-
Hapet ekspozita e piktorit shqiptar në Helsinki
Jeta në Zvicër
-
Zvicra ‘shtyn’ ukrainasit të punojnë më shumë Plani synon që 40% të funksionojë deri në fund të 2024 dhe 45% deri në fund...
-
Kështu e imagjinojnë qytetin e tyre vajzat e Bazelit
-
Përdorimi më i ulët i armëve të policisë zvicerane në 14 vjet
-
Zvicra në referendum për të ndalur rritjen e popullsisë
-
Protesta, arrestime, diskualifikime: Kjo ishte finalja e Eurovisionit