Gjermania, 6.3 miliardë euro për stacionet e karikimit të automjeteve elektrike

(KEYSTONE/Christian Beutler)

Qeveria federale e Gjermanisë ka miratuar një plan për të shpenzuar 6.3 miliardë euro gjatë tre vjetëve të ardhshme për të rritur shpejt numrin e stacioneve të karikimit të veturave elektrike në të gjithë vendin.

Ministri Federal i Transportit, Volker Wissing tha: “Ne e dimë se lëvizshmëria elektrike po rritet me shpejtësi, kështu që duhet të jemi të shpejtë”.

Në planin afatgjatë, qeveria dëshiron të miratojë një rritje 14-fish të numrit të stacioneve të karikimit në vend – deri në 1 milion deri në vitin 2030, nga rreth 70,000 tani.

Fokusi do të shkojë në qytetet që aktualisht nuk janë të furnizuara mjaftueshëm.