Shqipëri: 57 milionë euro eksporte më shumë se vitin e kaluar

pixabay

Shqipëria deri në fund të shtatorit eksportoi 57.9 milionë euro produkte bujqësore më shumë se e njëjta periudhë e vitit të kaluar.

Shifrat i bëri të ditura kryeministri shqiptar, Edi Rama, duke theksuar se këto janë fakte që dëshmojnë se bujqësia nuk është një sektor i braktisur, siç pretendohet nga ekranet e televizioneve, përcjell albinfo.ch.

Kryeministri informoi se në sasi u eksportuan mbi 50 mijë tonë më shumë produkte bujqësore në vendet e Bashkimit Evropian dhe më gjerë.

“Po të hyjmë në brendi të shifrave, 37.6% të sasisë e përbën eksporti i frutave dhe perimeve. Këto janë shifrat e faktet”, tha Rama.