BE miraton ilaçin për të parandaluar bronkitin te fëmijët

pixabay

Komisioni Evropian sapo ka miratuar një trajtim të ri për parandalimin e një virusi të zakonshëm dhe shumë ngjitës që shkakton bronkitin te foshnjat.

Kompania AstraZeneca e Britanisë së Madhe dhe Sanofi e Francës thanë të premten se ilaçi i tyre i sapomiratuar ‘Nirsevimab’, është trajtimi i parë për të parandaluar sëmundjet e rënda të shkaktuara nga virusi “sincicial” i frymëmarrjes (RSV) te foshnjat.

Ky lloj virusi infekton pothuajse të gjithë fëmijët deri në moshën dyvjeçare, thanë kompanitë.

Në Shtetet e Bashkuara produkti është ende nën shqyrtim si një terapi e mundshme përparimtare.

Teknikisht nuk është një vaksinë, por një trajtim me antitrupa, i cili rrit imunitetin te foshnjat, përcjell albinfo.ch.