Ambasadori Hovenier i kërkon Qeverisë të fillojnë urgjentisht negociatat për Asociacionin

Ambasadori i SHBA-së në Kosovë, Jeffrey Hovenier, të mërkurën në një takim me disa nga mediat online në Kosovë, ka kërkuar nga Qeveria që të mos vazhdojë me gjobat ndaj qytetarëve në veri të Mitrovicës për targat.

“I kërkojmë Qeverisë së Kosovës që të mos vazhdojë me gjobat për qytetarët serbë në veri dhe ta zgjasë për dhjetë muaj afatin e ri regjistrimin e makinave”.

Hovenier po ashtu kërkoi nga Qeveria të fillojë urgjentisht negociatat për formimin e Asociacionit.

“Qeveria të fillojë urgjentisht negociatat për formimin e Asociacionit”.

“Te dyja palët të ndërmarrin hapa për të ulur tensionet dhe të implementojnë marrëveshjet e Brukselit. Nuk është gjë e mirë që serbët janë larguar nga institucionet, kjo nuk i kontribuon zgjidhjes së krizës. Asociacioni prej vitit 2013 ka qenë në tavolinë”, u shpreh ai.

I pyetur lidhur me raportet mes Kosovës dhe Shteteve të Bashkuara të Amerikës, pas zhvillimeve të fundit, Hovenier theksoi se asgjë nuk ka ndryshuar dhe nuk do të ndryshojë pavarësisht kush është në pushtet.