Hera e nëntë në Botëror, a do të arrijë Zvicra suksesin historik?

Nati është i gatshëm për Kupën e Botës që fillon më 20 nëntor

Zvicra ka aterruar në Katar, ku për herë të nëntë do të paraqitet në Kampionatin Botëror.

Hera e parë ishte në vitin 1934, ku arritën në çerekfinale, ashtu si edhe me 1938 dhe 1954, kur ishin organizator. Në këtë vit u mundën nga Austria 5:7, që vazhdon të jetë rekord i golave në një ndeshje edhe tani, shkruan albinfo.ch.

Çerekfinalja është suksesi më i madh deri më tani për Natin. Në dy herë e fundit, më 2014 dhe 2018 u kualifikuan deri në 1/8 e finales.

Në vitin 2006 ishin eliminuar nga Botërori pa pësuar gol në kohën e rregullt. Nati u eliminua nga Ukraina me penallti në 1/8 e finales, ndërsa nuk pësuan deri në vitin 2010 nga Kili në grup, duke thyer rekordin pa pësuar gol në një Botëror.

Zvicra në Katar do të udhëhiqet nga kapiteni Granit Xhaka dhe bashkëlojtarët e tij për të synuar një sukses historik. Në grupe është me Kamerunin, Brazilin dhe Serbinë.

---