Kampionati Botëror vazhdon sot me katër super ndeshje

Luajnë Zvicra, Brazili, Portugalia e Uruguai

Kampionati Botëror 2022 do të vazhdojë sot me katër ndeshje të tjera, përcjell albinfo.ch.

Në kuadër të Kupës së Botës 2022 që po zhvillohet në Katar, sot janë në orar ndeshjet e grupit G dhe grupit H.

Ditën e nis grupi G, me ndeshjen Zvicër – Kamerun, ndeshje kjo, e cila luhet me fillim nga ora 11:00.

Më pas, mesditën dhe pasditen e vazhdon grupi H, me ndeshjet Uruguai – Koreja e Jugut dhe Portugali – Gana.

Uruguai e luan ndeshjen e vet me fillim nga ora 14:00, derisa Portugalia luan me fillim nga ora 17:00.

Ndërsa, për ta mbyllur ditën duhet kthyer te grupi G, ku Brazili do të përballet me Serbinë.

---