Lajme
Berna alarmon për lypësit nga Evropa Lindore: “Banda të organizuara”
Paratë që marrin këta individë shkojnë përfundimisht për bandën që i ka kontrabanduar
Gjatë sezonit të Krishtlindjeve shtohet numri i lypësve në qytete. Aktualisht ka më shumë lypës nga Evropa Lindore në qytetin e Bernës, transmeton albinfo.ch. Kjo është e zakonshme në prag të Krishtlindjeve, siç shkruajnë autoritetet e qytetit të Bernës në një deklaratë për shtyp.
Lypësit kryesisht futen kontrabandë në Zvicër nga bandat me një strukturë të rreptë hierarkike. Paratë që marrin këta individë shkojnë përfundimisht për bandën që i ka kontrabanduar.
“Lufta kundër trafikimit të qenieve njerëzore është një qëllim i deklaruar politik. Lypja e organizuar e lëmoshës që ushtrohet nga bandat është një formë e saj dhe kjo është arsyeja pse ne po marrim masa kundër saj,” thotë Reto Nause, Drejtor i Sigurisë i Qytetit të Bernës, shkruan 20minuten.ch. Për këtë arsye Drejtoria për Siguri, Mjedis dhe Energji i bën thirrje popullatës që të mos u japin para lypsarëve nga Evropa Lindore.
Batanije në karrocat e fëmijëve, për të nxitur keqardhje
Në parim, lypja lëmoshë nuk është e ndaluar në qytetin e Bernës.
Policia e emigracionit, e cila kryen kontrolle të rregullta, fundjavën e kaluar ka kontrolluar gjithsej 16 të huaj që lypin para, përcjell albinfo.ch. Këta njerëz janë takuar, kanë biseduan me njëri-tjetrin dhe më në fund janë pozicionuar në vende të ndryshme të qytetit.
Ata gjithashtu kanë mbushur karrocat me batanije për të ngjallur simpatinë e kalimtarëve (që të mendojnë se kanë foshnja në to).
Me këtë rast, shërbimet e urgjencës kanë marrë masa sipas ligjit të imigracionit për gjashtë persona.
Të ngjashme
Të tjera nga Lajme
E-Diaspora
-
Osmani: Mërgata, urë lidhëse mes Kosovës e Zvicrës Presidentja e Kosovës, Vjosa Osmani, ka pritur në takim ndihmës sekretaren e shtetit dhe shefen e...
-
Floriani 10 vjeçar bën selfie me Xhakën, i kushtoi babait të tij 2600 franga
-
Detaje nga rasti kur një shtetas nga Kosova vrau pronarin e biznesit në Dyseldorf
-
Arnold “The Cobra” Gjergjaj triumfon në luftën e fundit
-
Nju-Jork: Baleti Kombëtar i Kosovës me dy shfaqje
Jeta në Zvicër
-
Floriani 10 vjeçar bën selfie me Xhakën, i kushtoi babait të tij 2600 franga Floriani i vogël (10) është një tifoz i madh i Granit Xhakës: Nëntorin e kaluar, ai...
-
Pse 1 Maji nuk është festë publike kudo në Zvicër?
-
E hëna në Zvicër: Përmbledhje e lajmeve më të fundit
-
Çfarë do të votohet në Cyrih më 9 qershor?
-
Rriten rastet e abuzimit psikologjik të fëmijëve në Zvicër