Zviceranët, të parët me kulturën e udhëtimit me tren

Johannes Hofmann @quicksand

Zviceranët janë ndër njerëzit që duan të udhëtojnë me tren, ata e konsiderojnë kulturë dhe thjeshtësi të udhëtosh me tren, duke theksuar të mirat që i ofron si nga ana e shpenzimeve, koha, komunikacioni, klima, etj., përcjell albinfo.ch.

Në vitin 2021, me një mesatare prej 48 udhëtimesh për banor dhe një kilometrazh vjetor prej 1,628 kilometrash, zviceranë u rënditën të parët sa i përket udhëtimit me tren.

Mesatarja evropiane është 13 udhëtime në vit për banor, me një distancë të përshkuar prej 588 kilometrash. Vlen të theksohet se në nivelin e shteteve individuale, Zvicra ka një avantazh të qartë mbi të gjitha vendet e tjera: më të “virtytshmet” janë Luksemburgu, Austria, Danimarka dhe Gjermania, ku bëjnë përkatësisht 26, 24, 32 dhe 21 udhëtime. Lituania dhe Greqia dallohen në fund të statistikave me vetëm një udhëtim në vit për person; tejkaluar ngushtë nga Bullgaria, Rumania, Irlanda dhe Kroacia me 3.

Pandemia ka pasur një ndikim të fortë në kërkesën për trafik hekurudhor në të gjitha vendet evropiane, gjithashtu edhe në Zvicër. Përpara koronavirusit, qytetarët zviceranë bënin mesatarisht 74 udhëtime në vit, për një total prej 2,505 kilometrash. Në nivel evropian, ndërkohë, pati 18 udhëtime.