Zvicra mbetet e njohur për start-up-et e huaja

(KEYSTONE/Christian Beutler)

Zvicra vazhdon të jetë një magnet për kompanitë e huaja, duke përfshirë edhe bizneset e reja: pjesa e këtyre të fundit është rritur nga 35 për qind në 2021, në 40 për qind në 2022, sipas StartUps, një organizatë zvicerane që ndihmon sipërmarrësit e rinj të krijojnë kompanitë e tyre, përcjell albinfo.ch.

“Kjo rritje e konsiderueshme shpjegohet pa dyshim me faktin se ekonomia zvicerane u rikuperua shpejt dhe mirë pas pandemisë, veçanërisht nëse krahasohet me vendet e tjera”, tha zëdhënësi i StartUps, Mattia Piccoli.

Rajoni që ka përjetuar evolucionin më të fortë për sa u përket startup-eve të huaja është zona e Cyrihut, ku u krijuan më shumë biznese të reja sesa gjetkë në Zvicër.

Sa u përket industrive, “sektorët e tregtisë, IT dhe artizanat kanë përjetuar rritjen më të fortë”, sipas Piccoli.