Lajme
Varianti i ri XBB.1.5 pritet të përhapet në Evropë brenda javëve në vijim
Varianti i ri i koronavirusit XBB.1.5 pritet të përhapet në Evropë dhe Gjermani brenda javëve të ardhshme, sipas Qendrave për Kontrollin dhe Parandalimin e Sëmundjeve (CDC), në SHBA. CDC vlerësoi se XBB.1.5 përbënte pothuajse gjysmën e të gjitha infeksioneve të reja në SHBA.
“Mund të thuhet me njëfarë sigurie prognostike se ky variant do të bëhet dominues edhe në vendin tonë”, tha epidemiologu Hajo Zeeb nga Instituti Leibniz për Kërkime Parandaluese dhe Epidemiologji, në Bremen.
“XBB.1.5 prek personat me imunitet në rënie, vaksinimi ose infeksioni i të cilëve ka ndodhur disa kohë më parë”, tha Zeeb.
“Fillimisht në SHBA dhe më pas këtu në Gjermani”, shtoi ai.
“Megjithatë, numri i rasteve të njohura të XBB.1.5 në Gjermani aktualisht është ende shumë i ulët. Nuk ka nevojë të mendohet ende për masa të reja”, tha ai.
“Varianti i ri, i zbuluar në tetor, është rritur me shpejtësi në veri-lindje të SHBA-së, duke dominuar infeksionet që nga mesi i dhjetorit”, tha Richard Neher, kreu i Grupit Kërkimor të Evolucionit të Viruseve dhe Baktereve, në Universitetin e Bazelit, tranameton dpa, përcjell albinfo.ch.
“Rastet dhe shtrimet në spital u rritën në gjithë SHBA-në, jo vetëm në rajonet ku XBB.1.5 ishte dominues”, tha Neher.
“Kjo mund të sinjalizojë se ashpërsia nuk është dukshëm e ndryshme nga variantet e tjera që qarkullojnë aktualisht”, shtoi ai.
Ministri gjerman i Shëndetësisë, Karl Lauterbach, shprehu shqetësim për variantin e ri. “Shpresojmë se do ta kalojmë dimrin përpara se një variant i tillë të përhapet edhe këtu”, shkroi Lauterbach në Twitter.
E-Diaspora
-
Nju-Jork: Baleti Kombëtar i Kosovës me dy shfaqje Bëhet e ditur se Baleti Kombëtar i Kosovës, do të realizojë edhe një paraqitje tjetër të...
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
-
BQK: Mbi 112 milionë euro i sollën mërgimtarët në Kosovë vetëm gjatë marsit
Jeta në Zvicër
-
Gjashtë gjëra që duhet të dini për pagat në Zvicër Nëse jetoni dhe punoni tashmë në Zvicër, (ose jeni gati të zhvendoseni këtu), ndoshta jeni njohur...
-
SNB, 58.8 miliardë fitim neto në tremujorin e parë
-
Konsumatorët zviceranë kanë më shumë para, por më pak fuqi blerëse
-
Migros do të sjell hamburgerë të rinj, zviceranët skepitkë
-
Rreth 150 mëlçi transplantohen në të gjithë Zvicrën çdo vit