Kriza në Ukrainë
Britania akuzon Rusinë për keqinterpretim të shifrave të viktimave në Ukrainë
Shërbimet sekrete britanike thanë se Rusia po keqinterpreton qëllimisht numrin e viktimave të saj në luftën kundër Ukrainës.
Ministria e Mbrojtjes në Londër tha sot se Rusia ka keqinterpretuar numrin e vdekjeve në sulmin ukrainas në një strehë ushtarake ruse, në rajonin e Donetskut, natën e Vitit të Ri.
Rusia raportoi vdekjen e 89 ushtarëve. Megjithatë, raportet e shërbimeve sekrete britanike thonë se ka të ngjarë që të ketë pasur më shumë se 300 viktima.
Londra theksoi se kjo tregon përhapjen e dezinformatave në njoftimet publike ruse.
Raporti thoshte se pasaktësitë ruse për viktimat ishin rezultat i gënjeshtrave të qëllimshme të miratuara nga zyrtarë të rangut të lartë, dhe raporteve të rreme nga zyrtarë vartës që duan të nënvlerësojnë dështimet e tyre nga frika se mos pushohen nga puna, transmeton dpa përcjell albinfo.ch.
Londra sugjeroi se në rastin konkret të natës së Vitit të Ri, Rusia mund të jetë detyruar të japë një shifër konkrete të viktimave, pas valës së kritikave mes komandantëve rusë.
Ministria britanike e Mbrojtjes ka publikuar çdo ditë informacione për rrjedhën e luftës që nga fillimi i sulmit të Rusisë, 11 muaj më parë. Moska ka akuzuar Londrën për kryerjen e një fushate dezinformimi.
Të tjera nga Kriza në Ukrainë
E-Diaspora
-
Gjuha shqipe forcon integrimin Në kontekstin e diasporës shqiptare në Zvicër dhe më gjerë, gjuha shqipe ka një rëndësi në...
-
Flisni shqip në Zvicër!
-
RTS: “Toka Brenda Meje” e Fisnik Maxville-it trajton traumën e Kosovës
-
Filmi “The Land within”, lufta në Kosovë, e vështruar nga një kënd tjetër
-
Robin Krasniqi fiton me pikë ndaj portugezit Jorge Silva
Jeta në Zvicër
-
Neuchâtel: Një algjerian 29-vjeçar u gjet pa shenja jete, në qeli La Chaux-de-Fonds, Neuchâtel: Trupi i tij i pajetë u gjet nga rojat e burgut rreth orës...
-
Kantonet zvicerane me plane për të punësuar më shumë mësues të huaj
-
Bernë: Merret vendimi për gruan e cila vrau kryetarin e bashkisë së Lauterbrunnen pasi e goditi 58 herë me thikë
-
Pse Zvicra subvencionon tarifat vetëm për disa studentë të huaj?
-
Prodhuesi zviceran i thikave të ushtrisë në përpjekje për të përmbushur kufizimet globale të tehut