Turqi: Njerëzit vendosën balona në rrënoja për të nderuar fëmijët viktima

Të paktën 46,000 njerëz janë vrarë në tërmetin që goditi Turqinë dhe Sirinë dhe numri pritet të rritet, rreth 264,000 apartamente në Turqi u shkatërruan dhe shumë njerëz janë ende të zhdukur, ndërsa shpëtimtarët kërkojnë për shenja jete nën rrënoja.

Numri i të vdekurve nga tërmeti në Turqi arriti në 40,642, ndërsa Siria raportoi të paktën 5,800 të vdekur, një numër që ka mbetur i pandryshuar prej ditësh.

Një video e postuar në rrjetet sociale dhe konkretisht në Twitter po shkakton emocion. Balona shumëngjyrëshe u vendosen në rrënoja.

Ky veprim është bërë në nderim të të gjithë fëmijëve që humbën jetën në dy tërmetet vdekjeprurëse dhe po ashtu edhe atyre që kanë mbetur nën rrënoja.