Përkeqësohet mungesa e barnave në Zvicër

(KEYSTONE/Gaetan Bally)

Lista e medikamenteve që janë në mungesë në Zvicër është zgjatur dhe tani përfshin më shumë se 1000 barna, përcjell albinfo.ch.

Ka disa arsye për mungesën, sipas kryefarmacistit Enea Martinelli.

Midis tyre janë mungesa e substancave aktive, personelit të kualifikuar dhe pajisjeve. Gjithashtu, prodhimi i shumë barnave ka qenë jashtë vendit, gjë që e bën Zvicrën më të varur nga zinxhirët e huaj të furnizimit.

Kjo situatë pritet të vazhdojë për disa muaj.