Propozimi me polemika në Gjenevë: T’u jepet përparësi në punë vendorëve

Xavier von Erlach

Një anëtar i Këshillit të Madh të Gjenevës ka paraqitur një projekt-ligj që do t’u jepte përparësi atyre që jetojnë në kanton kur kërkojnë punë.

Anëtari i Partisë Popullore Zvicerane, Stéphane Florey, thotë se ai u nxit të vepronte pasi shifrat e fundit treguan rritjen më të madhe vjetore të numrit të punëtorëve kufitarë me afro 8%.

Nëse projektligji kalon, kushdo që punon për shtetin ose çdo subjekt që merr fonde shtetërore, do të duhet t’i ofrojë fillimisht një punë një banori të Gjenevës.

Lëvizja Qytetare e Gjenevës – e cila ka bërë një fushatë të gjatë kundër punëtorëve frontalë – e mirëpriti projektligjin dhe thotë se Partia Popullore Zvicerane më në fund po zgjohet, shkruajnë mediat zvicerane, përcjell albinfo.ch.

Të tjerë kundërshtojnë një projektligj të tillë, ngase mund të shkelë rregullat për lëvizjen e lirë me BE-në.