EURO 2025 për femra në Zvicër

Twitter: UEFA

Pas dy vitesh Zvicra do jetë nikoqire e një prej eventeve më të mëdha sportive në Evropë. EURO 2025 për femra do të zhvillohet në qytetet zvicerane pas vendimit që mori UEFA, përcjellë albinfo.ch.

Komiteti Ekzekutiv i UEFA-s ka vendosur që Zvicrës t’i jepet kampionati i futbollit për femra 2025. Për herë të parë pas 17 vitesh dhe Kampionatit Evropian për meshkuj, një ngjarje e madhe do të mbahet në Zvicër. Do të jetë gjithashtu ngjarja më e madhe sportive e grave në histori që do të zhvillohet në Zvicër, shkruan 20minuten, përcjellë albinfo.ch.

“Kjo është një ditë historike për Zvicrën, SFV dhe futbollin e femrave”, tha presidenti i shoqatës Dominique Blanc. “Ky hap i madh do të formësojë zhvillimin e futbollit të femrave në të gjitha nivelet”, vazhdoi ai, shkruan 20minuten, përcjellë albinfo.ch.

Trajnerja e kombëtares Inka Grings shprehu gëzimin e saj në takim: “Do të ishte shumë mirë. Do të ishte një vlerë e shtuar e madhe për futbollin, sportin e grave, por edhe për shoqërinë. Njihni vende dhe kultura të tjera. Futbolli i bashkon njerëzit”, përcjellë albinfo.ch.

Stadiumet në Gjenevë, Cyrih, Bernë, Bazel, Thun, Lucern, Sion dhe St. Gallen duhet t’i ofrojnë turneut një mjedis të denjë dhe në të njëjtën kohë të ndezin eufori në të gjithë vendin. Këshilltari i qytetit të Cyrihut, Filippo Leutenegger, kreu i departamentit të shkollës dhe sporteve, mezi pret Kampionatin Evropian të Futbollit për Femra: “Futbolli i femrave është shumë i popullarizuar në Cyrih, madje futbolli është sporti numër një për vajzat në Cyrih. Jam i sigurt se futbolli i femrave dhe i vajzave do të marrë një tjetër hov falë Euros”, shkruan 20minuten, përcjellë albinfo.ch.

EM 2022 në Angli kushtoi rreth 55 milionë franga. EM 2025 do të kushtojë afërsisht të njëjtën shumë parash.