Kosova
20 mjekë nga diaspora të gatshëm të ndihmojnë Ministrinë e Shëndetësisë së Kosovës
Mbi 20 mjekë që jetojnë dhe punojnë në diasporë kanë shprehur gatishmërinë e tyre për bashkëpunim me Ministrinë e Shëndetësisë në Kosovë për trajnimin e stafit vendor ose në reforma të sektorit, krahas punës që bëjnë në vendet evropiane, shkruan RTK, përcjellë albinfo.ch.
Ministria pas përgjigjes pozitive ka nisur përgatitjet administrative e logjistike që të krijohen kushtet për profesionistët shëndetësorë që janë të interesuar të bashkëpunojnë me institucionet në Kosovë. Ministri i Shëndetësisë, Arben Vitia, duke i vlerësuar për gatishmërinë e tyre ka thënë se ata kanë përvojë e kulturë pune në vendet ku operojnë. “Sigurisht që në fillim do të jenë atëherë kur kenë kohë sepse ajo që ne na duhet është trajnimi I dhe edukimi I vazhdueshëm I profesionistëve tanë shëndetësorë”, tha Arben Vitia, ministër i Shëndetësisë, raporton RTK, përcjellë albinfo.ch.
Pjesë e këtij grupi të mantelbardhëve që shërbejnë jashtë Kosovës është edhe onkologia Ernesë Xhafa-Hamiti. “Unë jam e ftuar personalisht nga Ministria e Shëndetësisë dhe jam në listën e ekspertëve të jashtëm në kuadër të Institutit të Onkologjisë, që do të thotë se mund të angazhohem dhe të ndihmoj për çfarëdo mendimi të dytë, reformë për të mirën e këtij Instituti. Angazhimi im është ‘ad hoc’, kur unë jam e lirë dhe kam mundësi”, tha Ernesë Xhafa Hamiti, për RTK-në, përcjellë albinfo.ch.
Gatishmërinë e kanë shprehur edhe Federata e Mjekëve Shqiptarë në Evropë. “Gatishmëria është e padiskutueshme por sa është e gatshme pala tjetër institucioni shqiptarë në Kosovë ose Shqipëri që t’i mirëpres të gjitha rekomandimet, reformat apo protokollet që i kemi të gatshme siç e kanë bërë vendet të tjera evropiane që e kanë reformuar sistemin shëndetësorë”, tha Aurora Donllenberg, kryetare e Federatës së Mjekëve Shqiptarë në Evropë, për RTK-në, përcjellë albinfo.ch.
E-Diaspora
-
Paraqitet si kroat, me pasaportë false – burgoset muratori nga Kosova Prokuroria publike e Schwyz-it dënoi kosovarin për hyrje të paligjshme, qëndrim të paautorizuar dhe punë pa...
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim
-
Kryediplomati shqiptar, Igli Hasani, takon homologun e tij nga Zvicra, Ignazio Cassis
-
Bizneset nga diaspora vizitojnë “Shtëpinë e Kosovës”
-
Shqiptari diplomon në Columbia University në Nju Jork
Jeta në Zvicër
-
Valais: Dy turistë vdesin si pasojë e një orteku, i treti mbijetoi Të dielën një ortek përfshiu dy turistë dhe si rrjedhojë të dy alpinistët humbën jetën. Një...
-
Paraqitet si kroat, me pasaportë false – burgoset muratori nga Kosova
-
Si u bë Zvicra vendi nga ku rrjedh qumështi dhe çokollata
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim
-
300 zviceranë të bllokuar në Kaledoninë e Re pas shpërthimit të trazirave