Unazë për monitorimin e shëndetit

EPFL

Një start-up i ri në Neuchâtel do hyjë në treg me një pajisje të veçantë. Është dizajnuar një unazë që mundëson kontrollimin e shëndetit dhe pritet që në të ardhmen të bëjnë të mundur monitorimin e pacientëve në shtëpi, shkruan RTS.

Për të punuar, kjo unazë është e pajisur me sensorë. “Ata përdorin dritën për të matur disa sinjale jetike, për shembull rrahjet e zemrës dhe ndryshueshmërinë e saj, nivelin e oksigjenit të frymëmarrjes ose presionin e gjakut”, shpjegoi Antonino Caizonne, bashkëthemelues dhe drejtor i start-up-it, përcjellë albinfo.ch.

Për Thierry Ëeber, mjek dhe specialist i shëndetit dixhital, kjo pajisje ende mund të përmirësohet, por tashmë mund të luajë një rol të rëndësishëm në parandalim. “Në të ardhmen, këto mjete do të bëjnë të mundur ndjekjen e pacientit në shtëpi dhe për shembull gjenerimin e alarmeve kur gjendja shëndetësore e këtyre pacientëve përkeqësohet”, parashikon ai. “Dhe atje, do të jetë vërtet një mjet interesant për mjekun klinik, për aq sa kjo pajisje e lidhur është e certifikuar”, shton Thierry Ëeber për RTS, përcjellë albinfo.ch.

Një certifikim mjekësor që është i shtrenjtë dhe kërkon kohë, pasi duhet të mbështetet nga studime klinike që përfshijnë dhjetëra apo edhe qindra pacientë.