Scholz radhitet në mesin e 100 personave më me ndikim në vitin 2023

(KEYSTONE/DPA/Kay Nietfeld)

Kancelari gjerman Olaf Scholz po shihet si një figurë e rëndësishme dhe me ndikim në botë për këtë vit. Ky konstatim të paktën vjen nga revista amerikane “Time” e ka renditur kancelarin gjerman, në mesin e 100 personave më me ndikim në vitin 2023.

Scholz, i cili renditet në kategorinë e liderëve më me ndikim, e shpalli pushtimin rus të Ukrainës një “pikë kthese epokale”, duke premtuar se Berlini do të përgjigjej në një situatë kritike.

“Brenda vitit të kaluar, Gjermania përmbysi pacifizmin e saj të pasluftës, duke rritur shpenzimet e saj ushtarake, duke u bërë kështu një nga furnizuesit më të mëdhenj të armëve në Ukrainë”, thuhet në artikull.

Gjermania reduktoi gjithashtu varësinë e saj nga furnizimet e energjisë ruse, duke kaluar me nxitim tek burimet e rinovueshme, pavarësisht frikës se kjo do të ishte e shtrenjtë dhe problematike.

Të tjera hyrje të dukshme në listë përfshijnë Evan Gershkovich, gazetari i “The Wall Street Journal”, i cili u arrestua nga Moska pas akuzave për spiunazh.

Nëse shpallet fajtor, ai mund të përballet me 20 vjet burg.

“Ndërsa shumë gazetarë u tërhoqën nga Rusia pas pushtimit të plotë të Ukrainës nga Moska, Gershkovich qëndroi aty, pavarësisht nga rreziqet e raportimit për Rusinë”, sipas “Time”.