Kosova

Kjo është pjesëmarrja në zgjedhjet në veri të Kosovës

E diel, 23 Prill 2023 - 19:42 albinfo.ch
Albinfo

Të gjitha qendrat e votimit në katër komunave veriore të Kosovës janë mbyllur në orën 19.00, ka bërë të ditur Komisioni Qendror i Zgjedhjeve.

Kryetari i KQZ-së, Kreshnik Radoniqi, në konferencën e orës 19 e 30 prezantoi të dhënat për pjesëmarrjen në këto zgjedhje, raporton Albinfo.ch.

Ai tha se në Leposaviq kanë marrë pjesë në zgjedhje 141 votues, në Zubin Potok 385 votues, në Zveçan 204 votues, ndërsa në Mitrovicën e Veriut 837 votues.

Radoniqi theksoi se KQZ-ja ka ofruar mundësinë dhe kushtet për të gjithë qytetarët që të marrin pjesë në zgjedhje.

Ai falënderoi policinë, prokurorinë, mediat dhe institucionet e tjera për mbarëvajtjen e këtij procesi./Albinfo.ch

 Të tjera nga Kosova

Pothuajse konfirmohen 100 deputetët e Kuvendit të Kosovës, VV-ja siguron 53 ulëse

 E-Diaspora

 Jeta në Zvicër